Қазақстанда білім беру депозиттерініӊ табыстылығы арттырылды
Астана. 3 ақпан. Kazakhstan Today - Мемлекеттік білім беру жинақтау жүйесіне (МБЖЖ) қатысушы банктер білім беру депозиттері бойынша табыстылықты арттырды, деп хабарлайды ҚР Білім және ғылым министрлігі, деп хабарлайды Kazakhstan Today агенттігініӊ тілшісі.
"Мемлекеттік білім беру жинақтау жүйесініӊ білім беру жинақтау салымдары бойынша сыйақы мөлшерлемесі өзгертілді. Ақша-кредиттік саясат жөніндегі техникалық комитеттіӊ 2016 жылғы 30 қаӊтардағы шешімімен Қазақстан Республикасыныӊ Ұлттық банкі ағымдағы жылдыӊ 2 ақпанынан бастап жеке тұлғалардыӊ депозиттері бойынша базалық мөлшерлемені 17 % деӊгейінде белгіледі", - делінген хабарламада, деп хабарлайды primeminister.kz тілшісі.
Осыныӊ негізінде 2016 жылғы 2 ақпаннан бастап МБЖЖ-ға қатысушы банктер білім беру жинақтау салымдары бойынша сыйақы мөлшерлемесін көтерді. Осылайша, бұдан былай ай сайынғы сыйақы мөлшерлемесі жылдық 14%, ал мемлекеттік сыйақы - 5 % немесе 7 % (жеӊілдікті санаттағылар үшін) құрады.
"Мемлекеттік сыйақы мен банктіӊ сыйақысы капиталға айналып, білім беру жинақтау салымдары бойынша табыстылық жылына 19 % құрайды, соныӊ есебінен салымшы білім беру қызметтерін сатып алу барысында шығыстардан 30-40% дейін үнемдейді", - деп түсіндірді министрлікте.
МБЖЖ жүйесі Қазақстан Республикасыныӊ әрбір азаматына өзініӊ не баласыныӊ атына білім беру жинақтау салымын ашып, оны келешекте Қазақстанныӊ және шетел колледждері мен ЖОО-ларында оқудыӊ ақысын төлеу үшін пайдалана алады.
ҚР БҒМ мәліметінше, бүгінгі таӊда елде 14 000 астам МБЖЖ білім беру жинақтау салымы ашық.
Білім беру жинақтау салымыныӊ басты ерекшелігі: табыс түрі ретінде мемлекет сыйақысына салық салынбайды; білім беру жинақтау салымдары 10 млн теӊгеге дейін Қазақстанныӊ салымдарды кепілдендіру қорыныӊ нысаны болып табылады, минималды бастапқы жарна - 3 АЕК (2016 ж. 6363 теӊге); жинақтау мерзімі - 20 жылға дейін; мемлекеттіӊ атынан бұл жүйеніӊ операторы ретінде ҚР БҒМ "Қаржы орталығы" АҚ-ныӊ 100% кепіл болуымен банктен білім беру кредитін алуға мүмкіндік бар.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.