Қазақстанда декларация тапсыру жолымен 841,1 млрд теӊге жария етілді - Қаржы министрлігі
Астана. 1 маусым. Kazakhstan Today - Ағымдағы күнге барлығы 1 754,3 млрд теӊге сомасында 89 697 өтініш (декларациялар) түсті, оныӊ ішінде жария етілгені 1 508,2 млрд теӊге, деп хабарлайды Қазақстанныӊ Қаржы министрлігі, деп хабарлайды Kazakhstan Today агенттігініӊ тілшісі.
Мүліктерді жария ету жөніндегі ҚР аумағында мүлікті жария ету бойынша жергілікті атқарушы органдардыӊ жанындағы комиссияға жалпы сомасы 892,6 млрд теӊге құрайтын жылжымайтын мүлікті жария етуі үшін 88 412 өтініш (декларация) түсті. Оныӊ ішінде сомасы 663 млрд теӊгеге 73 546 тұрғын үй объектісі; сомасы 217,5 млрд теӊгеге 38 395 тұрғын үй емес объекті; сомасы 6,6 млрд теӊгеге заӊды тұлғалардыӊ 37 қатысу үлесі, деп хабарлайды primeminister.kz тілшісі.
"83 658 объект, бағалы қағаздар және ақша сомасы 665,3 млрд теӊгеге жария етілді", - делінген Қаржы министрлігініӊ хабарламасында.
Мүліктерді жария ету бойынша салық органдарына ҚР аумағынан тысқары, сомасы 1 909 млн теӊге құрайтын 74 тұрғын үй объектісін жария ету бойынша өтініш (декларация) келіп түсті. Оныӊ ішінде сомасы 1 294,9 млн теӊгені құрайтын 63 тұрғын үй объектісі; сомасы 13,3 млн теӊгені құрайтын 4 тұрғын үй емес объекті; сомасы 15,5 млн теӊгені құрайтын 8 заӊды тұлғалардыӊ қатысу үлесі; 585,4 млн теӊге сомасында бағалы қағаздар. Осылайша, сомасы 1 855 млн теӊгеге 71 объект және бағалы қағаздар жария етілді.
ҚР ҰБ есеп деректері бойынша екінші деӊгейлі банктердіӊ ағымдағы жылдыӊ 27 мамырына жағдайы бойынша жалпы сомасы 881,4 млрд теӊге ақшаны жария етуге 1 255 жинақ шот ашылды, (соныӊ ішінде ішінде шоттан шешілгені 853,3 млрд теӊге) соныӊ ішінде: заӊнамаға өзгерістер енгізгенге дейін 80,9 млрд теӊгеге 2015 жылы 30 қарашаға дейін 179 жинақ шотын ашу арқылы; 21,6 млрд теӊге әлі жария етілмеді.
Сонымен қатар, мемлекеттік кірістер органына шот ашпау арқылы ақшаны жария ету бойынша 984,1 млн теӊге көлемінде 17 декларация түсті. 841,1 млрд теӊге сомасында ақша жария етілді, соныӊ ішінде: 2015 жылы 30 қарашаға дейін 80,9 млрд теӊге;
989 декларация бойынша 760,2 млрд теӊге.
"2016 жылғы 30 мамырға сәйкес 1-Н есебініӊ деректері бойынша "Мүлікті жария ету үшін алым" 206110 коды бойынша бюджетке іс жүзінде 3,4 млрд теӊге түсті, оныӊ 2,9 млрд теӊге қайтарылған (ескі Заӊ ережесі бойынша мерзімнен бұрын түсірілген жария етілген ақша (3,1 млрд теӊге - қайтарымға жатады)", - деп мәлімдеді министрлікте.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.