24.02.2009, 17:36 3027

Қазақстанда девальвацияның екінші толқыны болмайды - Ұлттық банк басшысы

Қазақстанда девальвацияның екінші толқыны болмайды - Ұлттық банк басшысы

Алматы. 24 ақпан. "Қазақстан Бүгін" - Қазақстанда девальвацияның екінші толқыны болмайды. Бұл туралы Ұлттық банк төрағасы Григорий Марченко бүгін өткен брифингте мәлім етті, деп хабарлайды агенттік тілшісі.

"4 ақпанда Ұлттық банк бір доллар үшін 150 теңге плюс/минус 5 теңге деген жаңа дәліз жариялап, теңгенің құнсыздануына байланысты әрбір жұма-сенбі сайын дүйсенбіде, немесе, осы жолы сейсенбіде девальвацияның екінші толқыны болады-мыс деген дақпырт таратылуда. Мұндай жағдай тек Алматы мен Астанада ғана байқалуда. Алматыда мұндай жайт көбірек кездеседі", - деді Г. Марченко.

"Біз бұл - орта мерзімдік бағдар екенін айттық. Осы дәлізді ұстап тұратын боламыз. Бұл бір ай немесе 3 ай ғана созылады екен деген әңгімелер бар. Мәлімдемелерді бұрмалап түсіндіруді ұнататындардың назарына, орыс тілінде орта мерзімді деген сөз 1 жылдан артық мерзімді білдіреді", - деді Ұлттық банк басшысы.

Ол барлық облыстарда қолма-қол валютаның жеткілікті қоры бар екенін атап өтті. "Қазір жалпы алғанда елде шамамен 450 млн доллар көлемінде қолма-қол валюта бар. Қажет болып жатса - тағы да әкелеміз...", - деді Г. Марченко.

Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны