Қазақстанда химия және металлургия саласында үш жаңа жоба іске қосылды
"Индустрияландыру күнінде осындай маңызды жобаларды іске қосуды жариялап отырмыз. "ҚазАзот" Ақтаудағы өте қажет кәсіпорын. Бұл атаулы күнге ұзақ дайындалғанымызды білемін, енді міне өндіріс іске қосылып отыр. Тағы бір айта кететін нәрсе, Қазақстанның Степногорда тек минералдық ресурстадың үлкен қоры ғана емес, жоғары технологияның жанама элементі болып табылатын сирек металлдар қоры да баршылық", - деді Елбасы.
Астана. 25-желтоқсан. Kazakhstan Today - Кеше Астанада Мемлекет басшысы Нұрсұлтан Назарбаев Индустрияландыру картасы жобаларын таныстыру бойынша кезекті жалпыұлттық телекөпір барысында химия және металлургия саласындағы үш өнеркәсіпті іске қосуға рұқсат берді, деп хабарлайды Kazakhstan Today агенттігінің тілшісі.
"Индустрияландыру күнінде осындай маңызды жобаларды іске қосуды жариялап отырмыз. "ҚазАзот" Ақтаудағы өте қажет кәсіпорын. Бұл атаулы күнге ұзақ дайындалғанымызды білемін, енді міне өндіріс іске қосылып отыр. Тағы бір айта кететін нәрсе, Қазақстанның Степногорда тек минералдық ресурстадың үлкен қоры ғана емес, жоғары технологияның жанама элементі болып табылатын сирек металлдар қоры да баршылық", - деді Елбасы.
Атап айтқанда, бүгін Маңғыстау облысында "ҚазАзот" компаниясының жобасы болып табылатын аммиак, азот қышқылы, аммиак селитрасы өндірісін қайта жаңғыртуға негізделген өнеркәсіп іске қосылды.
Жоба құны 5 млрд. 610 млн. теңге. Кәсіпорынды жаңғырту арқылы аммиак өндірісі 50 пайызға, еңбек өнімділігі 1,5 есе артады. Болашақта зауыт ішкі нарықты азот тыңайтқышымен толық қамтамасыз етіп, экспорт көлемін ұлғайтады.
Сондай-ақ, Қарағанды облысында "АрселорМиттал Теміртау" компаниясының өндірістік газ өндіретін кешен құрылысын салу жобасы іске қосылды. Бұл шетелден тікелей инвестиция тартудың және қазақстандық мазмұнды арттырудың жарқын мысалы.
Жаңа кешен іске қосылғанда оттегі, азот, аргон өндірісі артады.
Сонымен қатар Ақмола облысында сирек кездесетін концентраттар өндіретін кәсіпорын пайдалануға берілді. Бұл жоғарғы технологияға негізделген металлургия өнеркәсібін дамытатын жалғыз жоба. Кәсіпорын сирек кездесетін металлдар концентратының өндірісін қолға алып отыр.
Осы арқылы елімізде минералды ресурстарды қалдықсыз өндіру жолға қойылып, экологиялық қауіпсіздік қамтамасыз етіледі. Өндіріс құны 4 млрд.430 млн.теңге. Жоба қуаттылығы - 1540 шоғырланған концентраттағы карбонат. Кәсіпорында 270 тұрақты жұмыс орны ашылады.
Естеріңізге сала кетейік, бүгін Астанада Мемлекет басшысы Нұрсұлтан Назарбаев Индустрияландыру картасы жобаларын таныстыру бойынша кезекті жалпыұлттық телекөпір барысында 10 жаңа өндірісті іске қосуға рұқсат берді.
Бүгінде Индустрияландыру картасында 779 жоба бар. 2010-2012 жылдар арасында 537 нысан пайдалануға берілді. 277 жоба (немесе енгізілген нысандардың 51,6 пайызы) 50 және одан да көп пайызға жүктелген. Олардың ішінде 141-і толық қуаттылыққа шықты. 305 кәсіпорын жаңа өнімдерді шығаруда. 36 кәсіпорын өз өнімдерін 520 миллиард теңгеге экспорттады. Жаңа кәсіпорындар 1 триллион 400 миллион теңгенің өнімдерін шығарды
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.