Қазақстанда көміртегіні терең өңдеу өндірістері құрылуда
Елбасы Н.Назарбаев "Илеуметтік-экономикалық жаңғырту - Қазақстан дамуының басты бағыты" атты Қазақстан халқына Жолдауында шикізат ресурстарының жоғары бөліністі саласында үлкен жобалардың қолға алынатынын мәлім етті.
Астана. 22-ақпан. Kazakhstan Today - Қазақстанда көміртегіні терең өңдеу өндірістері құрылуда, деп хабарлайды Kazakhstan Today агенттігінің тілшісі.
Елбасы Н.Назарбаев "Илеуметтік-экономикалық жаңғырту - Қазақстан дамуының басты бағыты" атты Қазақстан халқына Жолдауында шикізат ресурстарының жоғары бөліністі саласында үлкен жобалардың қолға алынатынын мәлім етті.
Ел экономикасын әртараптандыруды және жаңа жоғары технологиялық өндірістерді енгізуді қамтамасыз ету мақсатында Үдемелі индустриялық-инновациялық бағдарламада мұнай мен газды терең өңдеуді дамытудың, жаңа мұнай-химиялық өндірістер құрудың нақты жобалары анықталған.
Еліміздің мұнай-газ кешені өндіретін газ негізінен ілеспе болып табылады, сондықтан да газ өңдеу зауыттарында оларды тауарлы газ деңгейіне дейін өңдеу қажет. Жолдау жүктеген міндет бойынша, ағымдағы жылы Батыс Қазақстан облысында жылдық қуаты 5 млрд. текше метрді құрайтын газ өңдеу зауытының құрылысы басталады.
Бұл өндіріс Қазақстанды тауарлы газбен қамтамасыз ету жобаларын қамтамасыз етеді және сыртқы нарыққа газ сатуға мүмкіндік береді. Ал 2012 жылдың желтоқсан айында Батыс Қазақстан облысындағы Қарашығанақ газ өңдеу зауытын жобалау жұмысы аяқталады деп жоспарлануда.
Атырау мұнай өңдеу зауытындағы мұнайды терең өңдеу кешенінің құрылысы да көміртегіні терең өңдеу саласындағы тағы бір перспективалық өндіріс болмақ. Бұл жобаның арқасында бензин өндірісі 3 есеге дерлік - 1,7 млн. тоннаға дейін, ал дизельдік отын өндірісі- 1,4 млн. тоннаға дейін ұлғаяды. Құрылыс жұмысы 2015 жылы аяқталады деп күтілуде.
Өндіріс іске қосылғаннан кейін, мұнайды қайта өңдеудің қуаты мен тереңділігі 87 пайызға дейін артады, Еуро-4 және Еуро-5 стандарттарының талаптарына сәйкес мотор отындарының сапасы жақсарады, ашық түсті мұнай өнімдерінің өндірісі 77 пайызға дейін артады және ішкі нарықтағы жоғары октанды бензин мен әуе отынының дефицит проблемасы шешіледі.
2012 жылдың екінші тоқсанының басында мұнай-химиялық кешеннің жобалау жұмыстары аяқталады. Бұл кешеннің арқасында Қазақстан жылына 500 мың тонна пропилен және 800 мың тонна полиэтилен шығаратын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.