Қазақстанда маусым айындағы инфляция 0,3 пайызды, жыл басынан бері 5,1 пайызды құрады
Баға киім және аяқ киімге 0,2, тұрмыстық тоқыма өнімдеріне - 0,3, ыдысқа - 0,5, құрылыс материалдарына - 0,7, сұйытылған газға 1,1 пайызға жоғарылады. Бензин 5,7, дизель отыны 7,1 пайызға қымбаттады.
Астана. 1-шілде. Kazakhstan Today - Қазақстанда маусым айындағы инфляция 0,3 пайызды, жыл басынан бері 5,1 пайызды құрады, деп хабарлайды Kazakhstan Today агенттігінің тілшісі.
ҚазАқпарат агенттігінің ҚР Статистика агенттігінің баспасөз қызметіне сілтеме жасай отырып хабарлауынша, баға азық-түлік тауарларға және ақылы қызмет көрсетулерге өткен айда 0,2, азық-түлік емес тауарларға 0,7 пайызға өсті. Өткен айда бағаның өсуі нан және жарма өнімдеріне 0,7, ал сөкке - 6,2, қарақұмық жармасына - 5,3, арпаға - 1,8, ұнға - 1, макарон өнімдеріне - 0,6, нанға 0,2 пайызға белгіленді. Баға өсімі картопқа 3,9, ет және құс етіне - 1,1, кофе, шай және какаоға - 0,6, жемістерге - 0,5, май және тоң майға 0,3 пайызды құрады. Баға деңгейі жұмыртқаға 9,6, жаңа жиналған көкөністерге - 5,5, жаңа сауылған сүтке 1,9 пайызға төмендеді.
Баға киім және аяқ киімге 0,2, тұрмыстық тоқыма өнімдеріне - 0,3, ыдысқа - 0,5, құрылыс материалдарына - 0,7, сұйытылған газға 1,1 пайызға жоғарылады. Бензин 5,7, дизель отыны 7,1 пайызға қымбаттады.
Баға деңгейі мәдениет қызметтеріне 0,2, мейрамханалар мен қонақ үйлердге - 0,3, шаштараздарға - 0,4%, денсаулық сақтау және мектепке дейінгі білім беруде - 0,5, жолаушылардың көлігіне 1,4 пайызға өсті.
Тұрғын үй коммуналдық қызмет көрсетулер саласында тарифтер орталықтан жылыту мен тұрғын үйді ұстауға 0,1, кәрізге - 1,2, суық суға - 1,4, қоқыс жинауға 2,7 пайызға қымбаттады, ал ыстық суға 1,6 пайызға арзандады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.