Астана. 18 Мамыр. Kazakhstan Today - Бұл туралы "Бәсекеге қабілетті көшбасшылар - ұлттық чемпиондар" орта бизнесті қолдау бағдарламасын талқылау жөніндегі басқарушы комитет отырысыныӊ барысында "Бәйтерек" ұлттық басқарушы холдингі" АҚ басқарма төрағасы Қуандық Бишімбаев мәлім етті, деп хабарлайды Kazakhstan Today агенттігініӊ тілшісі.
Бағдарламаны іске асыру шеӊберінде соӊғы екі ай ішінде McKinsey&Company халықаралық консалтингтік компаниямен бірлесе отырып, осы бағдарламаға қатысуға үміткер болып табылатын отандық өндірушілер арасында іріктеу жүргізілді. Бүгінгі күні іріктеу аяқталып, сыртқы нарықтарда және импортты алмастыруда қазақстандық өнім экспортыныӊ көшбасшылары болып танылған компаниялар пулы қалыптастырылды. Келіп түскен 300-ден артық өтінім ішінен 32 компания таӊдалды, олардыӊ ішінде 20 компания - АӨК саласынан, 7-еуі - машина жасау және 5 компания - құрылыс материалдарын өндіру саласынан іріктелді (Тізім қосымшада).
Қазіргі таӊда қатысушы компанияларға диагностика жүргізілуде. Оныӊ қорытындысы бойынша әр компанияға қатысты жеке жоспар жасақталып, әрі қарайғы дамуына қатысты ұсыныстар беріледі.
Орта бизнесті қолдау бағдарламасыныӊ мақсаты өӊірлік және әлемдік деӊгейдегі компанияларды қалыптастыру арқылы Қазақстанда шикізаттық емес сектордыӊ бәсекеге қабілетті, эскпортқа бағдарланған өндірістерді құру болып табылады. Бағдарлама Мемлекет басшысы Н.И. Назарбаевтыӊ бастамасын іске асыру барысында жүзеге асуда. Жоба қатысушылары үшін "Бәйтерек" холдингініӊ компаниялары тобыныӊ құралдарын, оныӊ ішінде банк аралық кредиттеуді (екінші деӊгейдегі банктер арқылы кредиттеу жолымен), лизингтік мәмілелерді қаржыландыруды, пайыздық мөлшерлемелерді субсидиялауды, кредиттерге кепілдік беруді, экспорттық сақтандыруды, инновацияларға гранттарды пайдалануды көздейтін қаржылық колдау қолжетімді болады.
Бұдан басқа, іріктелген компаниялар McKinsey&Company-мен бірлесіп жұмыс істеп, консалтингтік сүйемелдеуді ала алады. Қатысушылар басқару саласындағы озық тәжірибемен танысады, басқарушылық консалтинг саласында қызмет көрсететін жетекші халықаралық компаниядан нақты практикалық ұсынымдар алады.
Бағдарлама қатысушаларына қолдау көрсетудіӊ тағы бір құралы жалпы салалық әкімшілік кедергідерді жою бөлігінде мемлекеттік органдармен үйлестіру жұмыстары болады.
"Біздіӊ жаӊа бағдарламамыз шикізаттық емес секторды дамыту, өнеркәсіптік өндірістіӊ көлемдерін ұлғайту, еӊбекақысы жоғары жаӊа жұмыс орындарын құру және импортты алмастыру сияқты міндеттерді шешуге бағытталады. Орта бизнесті қолдау бағдарламасын табысты іске асыру кезінде іріктелген компаниялар еӊбек өнімділігін жылына орташа 10 %-ға және экспортқа шығарылатын өнім үлесін қазіргі деӊгейден 30 %-ға ұлғайтады деп күтілуде. Бұл ЖІӨ-ніӊ өсуін, экономиканыӊ әртараптандырылуын, қазақстандық өнім экспортыныӊ өсуін, өнімділік пен рентабельділіктіӊ өсуін, сондай-ақ жаӊа нарықтарға қолжетімділікті қамтамасыз ететін бәсекеге қабілетті кәсіпорындар болады, бүгінгі күні бұл біздіӊ еліміздегі бизнес үшін өзекті болып табылады", - деп мәлімдеді "Бәйтерек" ұлттық басқарушы холдингі" АҚ Басқарма Төрағасы Қуандық Бишімбаев.
Қазақстанда өӊдеу саласында "ұлттық чемпиондар" болуға және елдіӊ экспорттық әлеуетін арттыруға лайық деп танылған компаниялар пулы айқындалды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.