Қазақстанда республиканың барлық аумағында егіс жұмыстары мерзімінде аяқталды
Астана. 13 маусым. "Қазақстан Бүгін" - Қазақстанда республиканың барлық аумағында егіс жұмыстары мерзімінде аяқталды, деп хабарлайды агенттік тілшісі ҚР Ауылшаруашылығы министрлігі бүгін тұқым себу науқанының аяқталуына орай өткізген брифингте таратқан мәліметтерге сілтеме жасап.
Баспасөз қызметінің ақпаратына сәйкес, облыстық әкімшіліктерге қарасты ауыл шаруашылығы департаменттерінің мәліметтері бойынша, биыл маусымның 12-де жаздық дәнді дақылдар 15,5 млн. га (межеленгеннен 101 %) алқапқа себілді, оның ішінде бидай - 13,0 млн. га (100 %), арпа - 2 млн. га (103 %), дәндік жүгері - 90 мың га (97 %), күріш - 74 мың га (99 %). Майлы дақылдар 856 мың га (меженің 114 %) алқапқа себілді, оның ішінде күнбағыс - 532 мың га (134 %), соя - 50 мың га (103 %), рапс - 181 мың га (86 %).
Бұдан бөлек 19 мың гектарға қант қызылшасы (100 %) және 165 мың га мақта (102 %) себілді.
2008 жылы жалпы республика бойынша барлық егістік алқап 19,9 млн. га құрады, оның ішінде дәнді дақылдар (күздік дақылдармен бірге) - 16,2 млн. га, бидай - 13,6 млн. га, бұл былтырғымен салыстырғанда (әр қайсысы) 953 мың га, 774 мың га және 710 мың га артық.
Мемлекет басшысының жолдауынf сәйкес басым бағытқа ие болған - майлы дақылдардың (180 мың гектарға, (оның ішінде күнбағыс 160 мың гектар), көкөніс-бақша дақылдарының (4,5 мың гектар), қант қызылшасының (6 мың гетар) алқабы кеңейтілді. Мұны жүзеге асыруға дер кезінде мемлекеттік қолдау көрсетіліп Үкімет қорынан қосымша бюджет қаржы бөлінді.
Биыл егіс науқанына қатысқан 1 868 егіс кешенімен (барлық егіске қатысқан техниканың 7,4 пайызын құрайды) барлық алқаптың шамамен 40 %-ын себілді. Былтырғыдан 5 пайызға көп.
Сонымен қатар, облыстардың мәліметтері бойынша биыл 7,8 млн. га алқапта немесе дәнді танаптың жартысында дерлік ылғалсақтау технологиялары қолданылды, бұл 2007 жылғы деңгейден 2,6 млн. га немесе 48 % артық.
Көктемгі дала жұмыстарын дер кезінде және тиімді жүргізу үшін республиканың ауылшарқұрылымдары мұнай өңдеу зауыттарынан бекітілген бағдағы жанар-жағармаймен (ЖЖМ) қамтамасыз ету бағытында жасалған шаралар, шаруаларға 4,8 миллиард теңге (39,6 миллион АҚШ доллары) көлеміндегі қаржысын үнемдеуге мүмкіндік берді.
Көктемгі егіс егу науқанының қортындысы бойынша мынадай тұжырым жасауға болады. Қыс мезгілінде қарт тоқтатып, дәнді егіс алқабына мерзімініде сепкен, егісті күтіп-баптап, арам шөптерге, зиянкестер мен ауыруларға қарсы күрескен шаруашылықтар биыл да қамбасын мол толтырады деп күтуге болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.