Қазақстанда "ТДЖҰА" көмегімен машина жасаудың 28 жаңа өнім атауы ретке келтірілген
Өткен жылы "Технологиялық даму жөніндегі ұлттық агенттік" АҚ базасында салалық конструкторлық бюроның көмегімен машина жасау саласының 28 жаңа өнім атауының өндірісі ретке келтірілген, деп хабарлады агенттіктің баспасөз қызметі.
Астана. 20-наурыз. Kazakhstan Today - Қазақстанда "ТДЖҰА" көмегімен машина жасаудың 28 жаңа өнім атауы ретке келтірілген, деп хабарлайды Kazakhstan Today агенттігінің тілшісі.
Өткен жылы "Технологиялық даму жөніндегі ұлттық агенттік" АҚ базасында салалық конструкторлық бюроның көмегімен машина жасау саласының 28 жаңа өнім атауының өндірісі ретке келтірілген, деп хабарлады агенттіктің баспасөз қызметі.
"Машина құрастыратын кәсіпорындар салалық конструкторлық бюро көмегімен 28 жаңа өнім атауының өндірісі ретке келтірілген, оның ішінде, топырақ өңдейтін агрегат, вагондарға арналған есіктер, крандар, тез ажырайтын қосылыстар және тағы басқа атаулар",- делінген "ТДЖҰА" АҚ хабарламасында.
2012 жылы осы кәсіпорындарда, сонымен қатар, машина құрастыру кәсіпорындарына арналған жаңа бұйымдарға конструкторлық-технологиялық және нормативтік-техникалық құжаттаманың 225 комплекті жасалған.
Сонымен қатар, СКБ-да 3D-сканерлеу бойынша құзіретті өркендету, қазіргі түптұлғалау кешені арқылы 3D-принтинг қолдану арқылы модельдеу және жобалау өркендетілгені атап өтілді.
"Бүгінгі таңда құрылған СКБ еліміздегі 3D-технологияларды пайдаланатын және отандық машина құрастыру кәсіпорындарына сапалы қызмет көрсететін ең мықты инженер-конструкторлар ұжымдарының біріне ие", - делінген хабарламада.
Айта кету керек, СКБ төрт бағытта жұмыс жасайды: көліктік, ауыл шаруашылық машинасын құрастыру, тау-кен және мұнай-газ жабдықтары.
Сонымен қатар, агенттік қаржылық және атқару тәртібін күшейту, үдерістерді оңтайландыру, еншілес ұйымдар үшін бірыңғай қызмет үлгісін жасау, жобаларды сараптау және мониторингілеу бойынша жұмыстарын жалғастырады, бұл жағдайды айтарлықтай жақсартуға көмектеседі.
Осылайша, 2012 жылдың қортындысы бойынша компанияның таза табысы шамамен 200 млн теңгені құрайды (инвестицияның ағымдағы құнын бағалауды есептемегенде).
Естеріңізге сала кетейік, "Технологиялық даму жөніндегі ұлттық агенттік" акционерлік қоғам ("ТДЖҰА" АҚ) - бұл технологиялық даму саласындағы ұлттық институт. Агенттік мемлекеттің жарғы капиталына жүз пайыз қатысуымен құрылған және "Ұлттық инновациялық қор" АҚ-ның құқықтық мұрагері болып табылады. Агенттік инновациялық дамудың үдерістерін үйлестіруді қамтамасыз етуге көмектесу үшін және мемлекеттік қолдау шараларын ұсыну үшін құрылған.
Жалпы алғанда агенттіктің пайда болуынан бастап 2010-2012 жылдары 400-ден астам инновациялық жобаға қолдау көрсетілген, оның ішінде 138 инновациялық грант берілген, технологиялық бизнес-инкубациялау және т.б. бағдарлама аясында 96 старт-ап жобаға қолдау көрсетілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.