Қазақстанда Ұлттық құрылысшылар қауымдастығы құрылмақшы
ҚР Ұлттық кәсіпкерлер палатасында ҰКП Төралқасы Құрылыс, құрылыс материалдары өндірісі және ТКШ комитетініӊ отырысы өтті. Талқылау қорытындысы бойынша салалық қоғамдастық өкілдері Қазақстанныӊ Ұлттық құрылысшылар қауымдастығын құру туралы шешім қабылдады.
Астана. 22 қаӊтар. Kazakhstan Today - ҚР Ұлттық кәсіпкерлер палатасында ҰКП Төралқасы Құрылыс, құрылыс материалдары өндірісі және ТКШ комитетініӊ отырысы өтті. Талқылау қорытындысы бойынша салалық қоғамдастық өкілдері Қазақстанныӊ Ұлттық құрылысшылар қауымдастығын құру туралы шешім қабылдады, деп хабарлайды Kazakhstan Today агенттігініӊ тілшісі.
Комитет отырысына Қазақстанныӊ Салушылар қауымдастығы, Қазақстанныӊ Жобалаушылар қауымдастығы, Қазақстанныӊ Инженерлер қауымдастығы, Қазақстанныӊ Құрылысшылар қауымдастығы, Қазақстанныӊ Қала салушылар одағы, Республикалық инженер-сметашылар одағы, Қазақстанныӊ Дизайнерлер одағы, Қазақстандық Құрылыс материалдары өнеркәсібі қауымдастығы және т.б. сияқты құрылыс саласы кәсіпорындарыныӊ бірлестіктері мен құрылыс компаниялары қатысты, деп хабарлайды www.palata.kz тілшісі.
Құрылмақшы болып отырған Қазақстанныӊ Ұлттық құрылысшылар қауымдастығы (бұдан әрі - Қауымдастық) еліміздіӊ күллі салалаық қоғамдастығын республикадағы құрылыс саласын дамыту бойынша біршама тиімді жұмыс жасау үшін шоғырландыруға арналған.
Қауымдастықтыӊ негізгі міндеттері:
- саланыӊ нормативтік-техникалық базасын жетілдіруге, қолжетімді тұрғын үй нарығын қалыптастыруға және тұрғын үй құрылысы қарқынын аттыруға қатысу;
- отандық қаржы-кредит жүйесін, ипотекалық кредиттеу, құрылыс саласындағы сақтандыру қызметін дамыту;
- құрылыс саласында еӊбек ететін ғалымдар мен мамандарды шоғырландыру, құрылыс кәсібініӊ беделін көтеру;
- ғылыми зерттеулер мен зерттемелер жүргізуге, ғылым мен техника жетістіктерін тәжірибеге енгізуге жәрдемдесу;
- құрылыс жоғары оқу орындарындағы, орта арнаулы оқу орындарындағы мамандарды даярлауды, құрылыс саласында еӊбек ететін мамандар біліктілігін көтеруді жетілдіру;
- халықтыӊ жұмыспен қамтылуы, еӊбекті қорғау және оныӊ жағдайын жақсарту мәселелерін шешу, құрылыс саласындағы еӊбекақы үйлеспеушілігін төмендету.
ҚР ҰКП Төралқа Төрағасы Тимур Құлыбаевпен жұмыс кездесуінде ол Қазақстанныӊ Ұлттық құрылысшылар қауымдастығын құру қажеттігіне қолдау көрсетті. Ұлттық палата басшысы оныӊ құрамына түйткілді мәселелерді шоғырландыра шешу үшін құрылыс саласындағы күшті компаниялардыӊ, қауымдастықтардыӊ, кәсіпқойлардыӊ кіруі маӊыздылығын атап өтті. Сонымен бірге бұл қауымдастықта елдіӊ күллі өӊірлерінде филиалдық желі болуға тиіс.
Жақын арада Қауымдастықтыӊ құрылтай съезі өткізілетін болады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.