Қазақстанда вендингтің дамуы тоқтауы мүмкін - газет
Қазақстанда вендингтің дамуы тоқтауы мүмкін - газет
Алматы. 6 маусым. "Қазақстан Бүгін" - Қазақстанда вендингтің дамуы тоқтауы мүмкін, деп хабарлайды "Қазақстан Бүгін" агенттігінің тілшісі "Казахстанская правда" газетіне сілтеме жасай отырып.
"Проблема барлық сауда аппараттарының бақылау чегін бермейтіндігінен туындап отыр. Салық кодексінің 546 бабының 1 пункті оның берілуін талап етеді. Бұл талап вендингті заңнан тысқары қалдыруы мүмкін", - деп хабарлайды газет.
"Казправданың" ақпаратына сүйенсек, не чек беру функциясы бекітілген кассалық бақылау машиналары (КБМ) бар автоматтар әкелу, сондай-ақ, олармен бұрынғы аппараттарды жабдықтау керек не КБМ сауда аппараттарында міндетті түрде қолдану бойынша салық заңнамасын өзгерту керек.
Сонымен қатар, әрбір сауда аппаратын аумақтық салық органында тіркеу мәселесі тағы бар. алайда бұл мүмкін емес. Себебі, кассалар орналасатын жер айына бірнеше мәрте өзгеріске ұшырауы мүмкін.
Бұл мәселені шеші үшін машиналардың иелері сауда аппараттарын фискалдық чектер беру жүйесімен жабдықтау өтінішімен банк секторының құралдарын жеткізетін компаниялармен хабарласқан. Алайда олар мұндай мәселелермен айналыспайтындарын айтқан.
Осылайша, қалыптасқан стандартқа орай кейбір елдердің заңнамаларына сәйкесу керек. Оның үстіне Қазақстанның ДСҰ жақында кіретінін де ұмытпау қажет. Ол да елдің заңын әлемдік сауда стандарттарына интеграциялануды талап етеді.
Қазір вендинг иелері салық салу мәселесі бойынша ұсыныстар жасап, оны үкімет, Қаржы министрлігі және жаңа Салық кодексін жасау бойынша жұмыс тобының қарауына енгізген.
Вендинг (vending) дегеніміз сауда автоматтары пайдаланылатын және сауда адамның қатысуынсыз жүретін бөлшек сауда саласы. Сауда автоматы (vending machine) дегеніміз автоматтық режимде сауда және қызмет сататын құрылғы.
Вендинг үстеме шығындардың аздығы және сауда автоматтарын тартымды нүктелерге аса көп шығынсыз тасымалдау мүмкіндігі есебінен рентабельділігі жоғары бизнес болып табылады.
Қазақстанда бұл бизнес 2002 жылдан кейін дами бастады. 2002-2008 жылдар аралығында 3000-нан астам аппарат орнатылған. 2010 жылға қарай аппараттар саны 25-30 мыңнан асады деп күтілуде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.