АСТАНА.13 - сәуір. Kazakhstan Today. Қазақстандағы 2007 жылғы ауыл шаруашылығына салынатын инвестицияның жалпы көлемі шамамен 58 млрд теңгені құрайды. Бұл туралы бүгін баспасөз мәслихатында "Қазагро" Ұлттық холдинг" АҚ басқармалар төрағасы Илихан Смайылов мәлім етті, деп хабарлайды Kazakhstan Today агенттігінің тілшісі.
И. Смайылов жалпы соманың 27 млрд теңгесі ауыл шаруашылық саласындағы ірі нысандардың құрылысын қаржыландыруға жұмсалады. "Біз келесі жылы Поти мен Амирабактағы астық терминалының, Бакудегі диірмен кешенінің, Қазақстанның солтүстігіндегі биоэтанол мен биодизель өндіру зауыттарының, бес бордақылау кешенінің, Оңтүстік Қазақстан облысының Мақтаарал ауданындағы мақта кластері кәсіпорындарының құрылысын, сүт фермаларының пилотты жобалары мен Ақтау айлағын кеңейтуді қаржыландыруды жоспарлап отырмыз",- деді ол.
"Біз ауылшаруашылық министрлігі арқылы тиісті бюджеттік сұраным беріп қойдық және де бізді республикалық бюджеттік комиссияның қолдауы өте маңызды",- деп жалғастырды өз сөзін "Қазагро" басшысы. Сондай-ақ А. Смайылов қазіргі уақытта ұлттық холдинг "сыртқы және ішкі нарықтағы серіктестікті белсенді іздеуде",- деп атап көрсетті. "Егер біз әріптес тапсақ, онда мемлекет тарапынан салынатын инвестиция көлемі айтарлықтай аз болатындығы сөзсіз",- деп атап өтті ол.
"Біздің келесі аптада өтетін бизнесімендермен кездесуімізде келесі мәселе көтеріледі: қандай салаларға салым салуға болады, біз оларға инвестиция үшін осы жобаларды ұсынамыз",- деп қосты ол. Сонымен қатар, "Қазагро" басқармалар төрағасы "Азық-түлік келісім шарты корпорациясы" АҚ ұлттық холдингінің, "Қазгрофинанс" және Аграрлық-несиелік корпорациясының құрамына кіретіндердің жүзеге асырып отырған сырттан қарыз алып пайдалануға шектеу қоюдың мәнін көрмей отырғандығын атап өтті.
"Олар үшін сыртқы нарықтан қарыз алып пайдалану пайдалы, себебі онда арзан, ал біздің алдымызда ауыл үшін қол жетерлік қаржаландыруды, яғни арзан болуын қамтамасыз ету міндеті тұр. Егер ол сыртқы нарықта арзан болса, онда біз мұны сонда жасауға тиіспіз",- деп түсіндірді ол.
Ауыл шаруашылық вице-министрі Лилия Мусина өз кезегінде, "Қазагро" құрамына кіретін кәсіпорын үстіміздегі жылы сыртқы және ішкі нарықтан 33 млрд теңгедей қарыз алып пайдалануды жоспарлап отырғандығын еске сала кетті. "Тағы 23 млрд теңге осы жылы бюджеттен инвестицияланады",- деп қосты ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстандағы 2007 жылғы ауыл шаруашылығына салынатын инвестицияның жалпы көлемі шамамен 58 млрд теңгені құрайды - "Қазагро"
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.