Қазақстандағы ауылдар электрмен және газбен тым баяу қамтамасыз етілуде - АШМ
Қазақстандағы ауылдар электрмен және газбен тым баяу қамтамасыз етілуде - АШМ
Астана. 10 сәуір. "Қазақстан Бүгін" - Қазақстандағы ауылдар электрмен және газбен тым баяу қамтамасыз етілуде. Бұл туралы бүгін Қазақстан Республикасы Ауылшаруашылығы министрлігінде ауылдық аумақтарды дамыту саласында ұсыныстарды әзірлеу жөніндегі ведомоствоаралық комиссияның отырысында ҚР Ауылшаруашылығы министрлігінің ауылдық аумақтар істері жөніндегі комитетінің төрағасы Санат Тұңғышбеков мәлім етті, деп хабарлайды "Қазақстан Бүгін" агенттігінің тілшісі.
"Республика бойынша 2007 жылғымен салыстырғанда электрмен қамтамасыз етілмеген ауылдық елдімекендердің саны 43 бірлікке азайды. Алайда, 2009 жылдың 1 қаңтарындағы жағдаймен республикада 116 ауыл жарыққа қол жеткізе алмай отыр", - деді С. Тұңғышбеков.
Оның айтуынша, осындай ауылдар әсіресе мына облыстарда көп: Оңтүстік Қазақстан облысында - 38, Қызылорда облысында - 18, Қарағанды облысында - 17 және Шығыс Қазақстан облысында - 16. Республикадағы 7093 ауылдың 1734-і, немесе 24,5%-ында электр желілік жабдықтардың тозу көрсеткіші 85 пайыздан асады. Ең көп осындай ауылдар Батыс Қазақстан облысында - 446 (94%), Қостанай облысында - 512 (77%) және Шығыс Қазақстан облысында - 268 (33%), Алматы облысында -100 (13,6%).
С. Тұңғышбековтың айтуынша, республика бойынша тұтастай алғанда 2008 жылы ауылдарды газбен жабдықтау жөнінде ауқымды жұмыстар жүргізілді. Исіресе республиканың батыс өңірлерінде қызу жүргізілді. "Мәселен, 2004 жылғымен салыстырғанда газбен жабдықталған ауылдардың саны 2008 жылы 228 бірлікке ұлғайды, ал 2007 жылғымен салыстырғанда - 43 бірлікке артты. Жалпы алғанда республика бойынша бар 7093 ауылдың 571-і, немесе 8% табиғи газбен қамтамасыз етілген", - деді АШМ өкілі.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.