АЛМАТЫ. 2-наурыз. Kazakhstan Today. 2007 жылдың ақпанында Қазақстандағы жан басына шаққандағы ең төменгі күнкөріс деңгейінің шамасы 8653 теңгені құрап, бұл 2007 жылдың қаңтарындағы көрсеткіштен (8521 теңге) 1,5 пайызға жоғары. Бұл туралы Kazakhstan Today агенттігінің тілшісіне Қазақстан Республикасының статистика жөніндегі агенттігінен хабарлады.
Мемлекеттік статистика жөніндегі агенттіктің мәліметтеріне сүйенсек, ең төменгі күнкөріс деңгейінің мөлшері азық-түлік тауарлары бойынша 5192 теңгені, азық-түлік емес тауарлар мен ақылы қызмет көрсету үшін - 3461 теңгені құрап отыр.
Статистикалық мәліметтерге сәйкес, ең төменгі күнкөріс деңгейінің мөлшері есеп беру айында 13 жасқа дейінгі балалар үшін 6890 теңгені; 14-17 жас аралығындағы жасөспірімдер мен қыздар үшін 10 896 және 8348 теңгені; 18 жастан жоғарғы еңбекке жарамды тұлғалар үшін, соның ішінде еркектер үшін - 10 323 теңге, әйелдер үшін 8197 теңгені; ал зейнеткерлер мен қарт адамдар үшін - 8074 теңгені құрап отыр.
Ең төменгі күнкөріс деңгейі - мөлшері бойынша ең төменгі тұтыну қоржынының құнына тең, бір адамға қажетті ең төменгі ақшалай табыс. Ең төменгі тұтыну қоржыны адам тіршілігін қамтамасыз етуге қажетті тамақ өнімдерінің, тауарлар мен көрсетілетін қызметтердің заттай және құндық көріністегі ең төменгі жиынтығы болып табылады. Ол азық-түлік қоржынынан және азық-түлік емес тауарлар мен ақылы қызметтреге жұмсалатын шығыстардың бекітілген үлесінен тұрады. Күнкөрістің ең төменгі деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі ең төменгі тұтыну қоржыны құнының 40 пайыздық мөлшерінде белгіленген.
Азық-түлік себеті 43 түрлі азық-түлік атауынан тұрады: ет, балық, сүт, май, нан, көкөністерді түрлері, жұмыртқа, қант, шай, арнайы қоспалар және басқалар.
Ең төменгі күнкөріс деңгейін есептеу үшін азық-түлік емес тауарлар мен ақылы қызмет көрсетуге қажетті шығындар үлесіне ең төменгі тұтыну себеті бағасының 40 пайызы белгіленген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстандағы ең төменгі күнкөріс деңгейінің шамасы 2007 жылдың ақпанында 1,5 пайызға өсті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.