Қазақстанды ІІ жартыжылдықта Индустрияландыру картасының 162 жобасы іске қосылады
ҚР премьер-министрінің ресми сайтында хабарланғандай, үдемелі индустриялық-инновациялық даму жөніндегі мемлекеттік бағдарламаның аясында, Қазақстан Тәуелсіздігінің 20 жылдығына 389 индустриялық жоба іске асырылып, 90 мың жұмыс орны құрылған, инвестициялар көлемі 1,8 трлн. теңгеге жеткен, нәтижесінде ЖІӨ өсіміне қосылған үлес 2 пайызды құрап отыр.
Астана. 8-желтоқсан. Kazakhstan Today - Қазақстанды ІІ жартыжылдықта Индустрияландыру картасының 162 жобасы іске қосылады, деп хабарлайды Kazakhstan Today агенттігінің тілшісі.
ҚР премьер-министрінің ресми сайтында хабарланғандай, үдемелі индустриялық-инновациялық даму жөніндегі мемлекеттік бағдарламаның аясында, Қазақстан Тәуелсіздігінің 20 жылдығына 389 индустриялық жоба іске асырылып, 90 мың жұмыс орны құрылған, инвестициялар көлемі 1,8 трлн. теңгеге жеткен, нәтижесінде ЖІӨ өсіміне қосылған үлес 2 пайызды құрап отыр.
Бұған дейін "Қуатты Қазақстанды бірге құрайық!" индустриялық-инновациялық форумында сөйлеген сөзінде Елбасы Нұрсұлтан Назарбаев, Индустрияландыру бағдарламасын жүзеге асыру республика Тәуелсіздігін құруға барабар маңызды мемлекеттік міндет екенін атап өткен еді.
Индустрияландыру картасының аясында 179 мың тұрақты жұмыс орны құрылатын болады. Картаға жалпы сомасы 9,6 трлн. теңгенің 609 жобасы кіріп отыр. 2010 жылы 800 млрд. теңгеден астам соманың 152 жобасы іске қосылып, 23 мың жаңа жұмыс орны құрылды. Индустрияландыру картасының орындалу барысы Үкіметтің бақылауында.
Индустрия және жаңа технологиялар министрлігінің дерегі бойынша, ағымдағы жылдың І жартыжылдығында 114 млрд. теңге соманың 75 инвестициялық жобасы іске қосылды. Ал ІІ жартыжылдықта 902 млрд. теңге соманың 162 жобасы жүзеге асырылады. 2011 жылы жалпы есеппен 1 трлн. астам теңгенің 237 жобасы іске қосылып, 45 мыңдай жұмыс орны құрылады деп жоспарлануда.
ІІ жартыжылдықта Шарын өзеніндегі Мойнақ ГЭС-ның құрылысы, "Жетіген-Қорғас" және "Өзен-Түркіменстанмен мемлекеттік шекара" теміржол желілерінің құрылысы, Астанадағы "Talgo" жолаушылар вагоны өндірісі, Сырдариядағы Көксарай су реттегішінің құрылысы, Қызылорда облысындағы күкірт қышқылы зауытының құрылысы және т.б. с.с ірі индустриялық жобалар іске қосылады.
Жұма, 9 желтоқсан күні сағат 15.00 Астанадағы "Сарыарқа" республикалық велотрегінде Елбасының қатысуымен Индустрияландыру картасының 2011 жылдың ІІ жартыжылдығында іске қосылған жобаларының тұсаукесер рәсімі бойынша жалпыұлттық телекөпір болады. Сондай-ақ сапа саласындағы Елбасының "Алтын сапа" сыйлығы мен бизнестің әлеуметтік жауапкершілігі саласындағы "Парыз" конкурсының лауреаттары мен дипломанттарын марапаттау рәсімі өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.