Қазақстандық электромобильдер шетелдерге экспортталады
Астана. 12 шілде. Kazakhstan Today - Қостанай облысына жұмыс сапары барысында ҚР Премьер-Министрі Кәрім Мәсімов "СарыАрқаАвтоПром" автоқұрастыру кәсіпорнында болды, деп хабарлайды Kazakhstan Today агенттігініӊ тілшісі.
"СарыарқаАвтоПром" ЖШС - Қостанайдағы ірі кәсіпорындардыӊ бірі. Индустрияландыру бағдарламасы аясында мұнда жаӊа өндіріс - CКD-құрастыру әдісімен NOMAD моделімен Ssang Yong автомобильдерін шығару іске қосылды, деп хабарлайды pm.kz тілшісі.
Кәсіпорынды аралау кезінде Кәрім Мәсімов шығарылатын өнім желісімен, оныӊ ішінде отандық электромобильдердіӊ шығарылуымен танысты.
Автомобиль өндірісі аймақ экономикасыныӊ дамуына зор үлесін қосып отырғанын айта кеткен жөн. Нақ осы салаға жалпы аймақ өнімініӊ 11,3% тиесілі.
Биылғы жылдыӊ қаӊтар және мамыр айларыныӊ аралығында 1665 Peugeot (Франция), Toyota (Жапония), Ssang Yong (Оӊтүстік Корея), JAC (Қытай) жаӊа автомобильдері шығарылған, олар қазақстандық нарықта зор сұранысқа ие.
Алдағы уақытта JAC автомобильдерініӊ шанақтарын дәнекерлеу желісін орнату жоспарлануда.
Премьер-Министрге автоқұраушытар шығаратын индустриялдық аймақ таныстырылды.
Компаниялар тобыныӊ құрамына "СарыарқаАвтоПром" кіретін AllurGroup директорлар кеӊесініӊ төрағасы Андрей Лаврентьев автоконцернніӊ өндірісті кеӊейту бойынша жоспары туралы баяндады.
Кәсіпкердіӊ айтуынша, қазіргі кезде AllurGroup CMC қытай корпорациясымен ынтымақтастық мәселелерін пысықтап жатыр. Тараптар бірлескен өндіріс құрып, болашақта шығарылатын автомобильдерді шетелдерге экспорттауды көздеуде.
Бизнесмен сондай-ақ бұл іске мемлекеттік демеу қаржыныӊ қажет еместігін, оныӊ таза коммерциялық жоба екенін атап өтті. Алайда Лаврентьев қытайлық серіктес үшін инвестициялық преференцияларды сақтау қажеттігін айтты. Бұл жобаны экономикалық тұрғыдан тартымды ете түспек.
Сонымен қатар Кәрім Мәсімов ауыл шаруашылығы техникасын құрастыратын цех жұмысымен танысты. "АгромашХолдинг" АҚ базасында астық жинайтын заманауи Essil және New Holland комбайндары шығарылады. Еліміз бойынша бұл техникаларға қызмет көрсетумен және жөндеумен айналысатын сегіз филиал жұмыс істеуде.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.