Қазақстандық күркетауық еті өндіру кешенінің қуаты шамамен 2 есеге арттырылды
Құны 5,6 млрд.теңге тұратын жоба "ҚазАгро" Ұлттық холлингінің құрамына кіретін еншілес компания "ҚазАгроҚаржы" АҚ арқылы жүзеге асырылды. Соған байланысты жобаның жалпы құнынан 4,6 млрд.теңге "ҚазАгро" арқылы инвстицияланды.
Алматы. 16 шілде. Kazakhstan today. Қазақстандағы күркетауық өсіру, сою және етін қайта өңдеу бойынша алғашқы құс фабрикасы Оңтүстік Қазақстан облысындағы "Ордабасы Құс" ЖШС жылына ет өнімдерін өндіру көлемін 5000 тоннадан 8 110 тоннаға дейін ұлғайтты. Болашақта кешен 25 мың тоннаға дейін қол жеткізуді жоспарлауда
Құны 5,6 млрд.теңге тұратын жоба "ҚазАгро" Ұлттық холлингінің құрамына кіретін еншілес компания "ҚазАгроҚаржы" АҚ арқылы жүзеге асырылды. Соған байланысты жобаның жалпы құнынан 4,6 млрд.теңге "ҚазАгро" арқылы инвстицияланды.
"Ордабасы Құс" ЖШС бүгінгі күні күркетауықты өндірістік негізде өсіру бойынша Қазақстандағы жалғыз құс фабрикасы, ал ТМД елдері бойынша үшінші фабрика болып табылады. Оның қуаттылығы бастапқы кезде жылына 5 мың тонна өнім болған. Кешенді нығайтудың екінші кезеңін жүзеге асыру барысында күркетауық етін шығару қуаттылығын тағы 3282 тоннаға арттыруға мүмкіндік берді. Құс фабрика өндірістік негізде күркетауық өсіру және етін қайта өңдеу бойынша барлық халықаралық талаптарға сай. Отандық тауар тек өз елімізде ғана емес, сонымен қатар шетелдерде де сұранысқа ие.
"Қазақстандық күркетауық еті Ресей нарығында үлкен сұранысқа ие. Екі жыл ішінде біз Ресейге 4 мың тоннадан астам ет өнімдерін экспорттадық. Өнімнің үштен бір бөлігі Мәскеу нарығына жіберіледі. Біздің өнімді сондай ақ Челябинск, Новосібір нарығында да табуға болады және жеткізу орындарының саны күннен күнге өсуде", - дейді "Ордабасы Құс" ЖШС бас директоры Мұрат Тағаев.
"ҚазАгроҚаржы" мамандарының бағалауынша кешен жұмысынан жыл сайын бюджетке 232,3 млн.теңге сомасында қаражат түсуі тиіс. Жақын арада фабрика жұмысының нығаюы көзделуде, бұл дайын өнім шығаруды арттыруға мүмкіндік береді. Компанияның кешендік жоспарына сәйкес 2017 жылға қарай құс кешенінің өндірісі 25 мың тонна құс етін құрайды. Кәсіпорынның нығаюы шеңберінде жергілікті тұрғындардың жұмсыпен қамтылуы да ұлғаяды.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.