Қазақстандық және украиналық кәсіпкерлер Киев пен Астана немесе Алматының арасында тұрақты авиабайланыс орнату қажет деп санайды
Қазақстандық және украиналық кәсіпкерлер Киев пен Астана немесе Алматының арасында тұрақты авиабайланыс орнату қажет деп санайды
Астана. 6 наурыз. "Қазақстан Бүгін" - Қазақстандық және украиналық кәсіпкерлер Киев пен Астана немесе Алматының арасында тұрақты авиабайланыс орнату қажет деп санайды. Кеше өткен баспасөз мәслихаты барысында "БТА Банк" АҚ Украинандағы өкілдігінің басқармалары төрағасы Жомарт Ертаев пен Украинаның өнеркәсіпшілер мен кәсіпкерлер одағының аймақтық филиалының төрағасы Анатолий Скоромный осындай пікір білдірді, деп хабарлайды агенттік тілшісі.
"Келесі жылы немесе орта мерзімді перспективада Киев пен Астана немесе Алматының арасында тұрақты авиабайланыс орнату дұрыс секілді", - деді Ж. Ертаев.
"Дубаи, Москва немесе басқа елдер арқылы ұша беруді доғару қажет, бізге байланысты жеңілдете түсетін тұрақты рейстер жетпейді", -деді ол.
"БАҚ-тар арқылы елдердің президенттеріне осындай өтініш жасайық, ал біз осы ұшақтарды толтыратын боламыз", -деді БТА өкілі. Ол Украинадағы инвестициялық ахуалды "өте жақсы" деген бағаға таяу деп бағалады. "Өткен жылдың соңғы жартысында БТА Украинадағы өз үлесін төрт еседен аса өсірді. Сонымен қатар Украинадағы жиынтық банк капиталының 35% жуық көлемі шетел капиталына тиесілі", -деді Ж. Ертаев.
Өз кезегінде А. Скоромный Украина мен Қазақстан арасында тұрақты авиабайланыс орнату туралы бастаманы қолдайтыынн атап өтті.
"Еліміздегі бизнес-орта тура әрі тиімді рейстердің пайда болуына ықпалын тигізе алады. Атап айтсақ, Украинаның өнеркәсіпшілер мен кәсіпкерлер одағының үкіметке белгілі деңгейде сөзін өткізе алу мүмкіндігі бар, өйткені, еліміз экономикасының 85% біздің одаққа мүше кәсіпорындарға тиесілі", - деді ол. "Біз өзіміздің Қазақстандағы кездесулеріміздің қорытындысы туралы есеп дайындаған кезде тұрақты авиарейстердің қажеттігі туындағанын міндетті түрде атап көрсететін боламыз", -деді одақ өкілі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.