Қазақстанның Астық одағы нан бағасын тұрақтандыруға қатысты шаралар қабылдауға әзір
Қазақстанның Астық одағы нан бағасын тұрақтандыруға қатысты шаралар қабылдауға әзір
Астана. 4-қазан. "Қазақстан Бүгін" - Қазақстанның Астық одағының өкілдері бүгін Қазақстан Республикасының премьер-министрі Кәрім Мәсімовпен кездесу барысында нан өнімдерінің бағасын тұрақтандыруға қатысты шаралар қабылдауға әзір екендіктерін жеткізді, деп хабарлайды "Қазақстан Бүгін" агенттігінің тілшісі Қазақстанның премьер-министрінің баспасөз қызметіне сілтеме жасай отырып.
Баспасөз қызметінің хабарлауынша, "нан өнімдерінің кейбір түрлеріне бағаны тұрақтандыру мақсатында ірі астық экспорттаушыларды бірлесіп нақты шаралар әзірлеуде сындарлы ынтымақтастыққа және бірлесіп нақты шаралар қабылдауға, сондай-ақ бизнестің әлеуметтік жауапкершілігі жөніндегі міндеттемені орындауға шақырды".
"Өз кезегінде Қазақстан Астық одағының өкілдері нан өнімдеріне бағаны тұрақтандыру үшін қажетті шараларды қабылдауға және белсенді ынтымақтасып жұмыс істеуге толық дайын екендіктерін жеткізді",- деп атап өтті баспасөз қызметіндегілер. Олар сондай-ақ "астық өндірмейтін және ұн тартатын наубайханаларымен жабдықталмаған өңірлерді ұнмен әрі астықпен қамтамасыз етуге ерекше көңіл бөлетін болады",- деп қосты.
Қазақстан Астық одағының президенті Нұрлан Тілеубаев, "Алматы қаласында 10 мың тонна астық қабылдап алынғанын" хабарлады, және де астық пен ұнды белгіленген бағамен Атырау, Қызылорда және Маңғыстау облыстарына жеткізу туралы келісім-шарт жасасуға әзір екенін айтты.
Кеңестің соңында Азық-түлік келісім-шарт корпорациясы мен Қазақстан Астық одағының ресурсы есебінен астық пен ұнды қажет ететін обылстарды қамтамасыз ету жөнінде тез арада келісім-шарт жасау туралы шешім қабылданды. "Жергілікті органдар өздері тарапынан нан зауыттары мен бөлшек сауда жүйесіне қатаң бақылау жасауы тиіс" деп қорытты кеңесті К. Мәсімов.
Кеңеске астықты экспорттаушы ірі кәсіпорындардың жетекшілері, парламент мәжілісінің депутаттары, Азық-түлік келісім-шарт корпорациясының, ұлттық темір жол тасымалының, Қазақстан Астық одағының өкілдері мен Үкімет мүшелері қатысты.
Жағдайға жалпы бақылау жасау міндеті Ауыл шаруашылығы министрі Ахметжан Есімовке жүктелді. "Жергілікті органдар өздері тарапынан нан зауыттары мен бөлшек сауда жүйесіне қатаң бақылау жасауы тиіс",- деп қорытындылады К. Мәсімов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.