Қазақстанның барлық облыстарында бірдей әлеуметтік бағдарламаларды қаржыландыру есептері лайықты жасалмаған - премьер
Қазақстанның барлық облыстарында бірдей әлеуметтік бағдарламаларды қаржыландыру есептері лайықты жасалмаған - премьер
Астана. 1 маусым. "Қазақстан Бүгін"- Қазақстанның барлық облыстарында бірдей әлеуметтік бағдарламаларды қаржыландыру есептері лайықты жасалмаған. Бұл туралы бүгін үкіметте өткен селекторлық жиында ҚР үкімет басшысы Кәрім Мәсімов мәлім етті, деп хабарлайды "Қазақстан Бүгін" агенттігі.
"Бізге қанша ресурс қажет екенін мұқият қарау қажет. Өйткені, мен өткен аптада облыстарды аралап шықтым, барлық жерлерде бірдей есептердің лайықты жасалмағаны анықталды", - деді Кәрім Мәсімов вице-премьер Ербол Орынбаевқа қаратып айтқан сөзінде.
"Ақшаны босқа жібермеу үшін қазір өңірлерге арналған қаржыны қайта қарап, қаражаттты артықша қажетсінетін жаққа қарай бағыттау керек", - деді премьер-министр.
Сондай-ақ, ол еңбек және халықты әлеуметтік қорғау министрі Гүлшара Ибдіхалықоваға келесі селекторлық кеңеске кейін "жол картасын" жүзеге асыруға қатысты жаңа мәліметтерді дайындауды тапсырды. "Жаңа ғана барлық әкімдер осы аптада барлық әлеуметтік бағдарламаларды жүзеге асыру аяқталады деп хабарлады. Сол себепті келесі дүйсенбіде сіз қандай ілгерілеушілік болғаны жөнінде ақпаратты бересіз, сөйтіп біз ахуалды айқын білетін боламыз", -деді Кәрім Мәсімов.
Өз кезегінде Г. Ибдіхалықова еске салғандай, "жол картасын" жүзеге асыруға 140 млрд теңге бөлінген". "Мақсатты топтарға қамтылатын тұлғалардың аясы кеңейтілді. Илеуметтік төлемдерді төлеу мерзімі 4 -тен 6 айға дейін ұлғайтылды", - деді ол.
Сондай-ақ, министрдің хабарлауынша, "барлық деңгейдегі мәслихаттар жергілікті бюджеттерді нақтылады, "жол картасын" тең қаржыландыруға 51,3 млрд теңге бөлінді".
Оның сөзіне жүгінсек, "қол қойылған келісімдерге сәйкес мамырдағы қаржыландыру жоспарына сай облыс және Астана мен Алматы қалаларының әкімдеріне жөндеу жұмыстарына деп 146 млрд теңге, 324 млн теңге - әлеуметтік жұмыс орындарын құруға және жастар тәжірибесіне, 334 млн теңге - мамандарды қайта дайындау мақсаттарын жүзеге асыруға трансферт түрінде бөлінді".
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.