Қазақстанның бизнес-қауымдастықтары кәсіпкерлік қызметті реттейтін нормативтік актілерге өзгерістер енгізуді ұсынды
Қазақстанның бизнес-қауымдастықтары кәсіпкерлік қызметті реттейтін нормативтік актілерге өзгерістер енгізуді ұсынды
Астана. 16-қаңтар. "Қазақстан Бүгін" - Қазақстанның бизнес бірлестіктерінің өкілдері кәсіпкерлік қызметті реттейтін кейбір нормативтік актілерге өзгерістер енгізуді ұсынды, деп хабарлайды "Қазақстан Бүгін" агенттігінің тілшісі үкіметтің баспасөз қызметіне сілтеме жасай отырып.
Баспасөз қызметінің мәліметі бойынша, кеше ҚР премьер-министрі Кәрім Мәсімов кәсіпкерлік қоғамдастықтардың өкілдерімен жиналыс өткізген.
"Кәсіпкерлер шағын және орта кәсіпкерлік субъектілерін мемлекеттік қолдаудың қажетті шаралары бойынша бірқатар ұсыныстар енгізді. Кәсіпкерлердің бастамалары шағын және орта кәсіпкерлікке көрсетілетін мемлекеттің тікелей қаржылық көмегі, аталмыш қаражатты пайдалану механизмі, сондай-ақ, дамудың басымдыққа ие бағыттары салаларына қатысты болды", - деді баспасөз қызметі.
Атап айтқанда, "Атамекен" одағы қаржылық көмектің жанама шараларын қолдануды ұсынып отыр.
"Атамекен" үкіметтің монополистердің қызметіне тарифтердің өсуін тежеудегі іс-әрекетін толығымен қолдайды. Премьер-министрдің мұндай оқиғаларға жолбермеу туралы талаптары кәсіпкерлер арасында қолдауға ие болды", - деді "Атамекен" төрағасы Азат Перуашев.
Сондай-ақ, шағын және орта кәсіпкерліктің дамуын тежеп отырған факторларды жою шаралары да қарастырылды.
Қорытындылай келе К. Мәсімов кездесушілерге алғыс айтып, ұсыныстардың көбісі жұмысқа енгізілетінін атап өтті.
Бұрын хабарлағанымыздай, 2007 жылдың 6-желтоқсанында премьер кәсіпкерлерге шағын және орта бизнесті қажетті мемлекеттік қолдау шараларының тізімін жасап, осы жылдың 15-қаңтарына дейін енгізуді өтінген болатын.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.