Қазақстанның халықаралық резервтері тамызда 4,5 %ке азайды
Қазақстанның халықаралық резервтері тамызда 4,5 %ке азайды.
"ҚАЗАҚСТАН БҮГІН". 7-қыркүйек. АЛМАТЫ. Елдің халықаралық резервтері (ағымдағы бағалармен) Ұлттық қордың ақшасын (алдын ала деректер бойынша 18 356,1 млн. долл.) қоса есептегенде 29-тамыздағы жағдаймен тұтастай алғанда 4,5 %ке азайып, 39 611,6 млн. доллар болды. Бұл туралы агенттік тілшісіне ҚР Ұлттық банкінің баспасөз қызметі хабарлады.
Баспасөз қызметінің хабарлауынша, 2007 жылғы тамызда Ұлттық банктің халықаралық резервтері азайды.
Ұлттық банктің таза халықаралық резервтері тұрақты бағамен 9,3 %-ке, еркін айналмалы валютадағы таза активтері 9,8%-ке азайса, алтындағы активтері өзгерген жоқ.
Ішкі валюта нарығында валюта сату және Қаржыминінің сыртқы борышына қызмет көрсету бойынша операциялар жүргізу үкіметтің шоттарына валюталардың түсуімен және екінші деңгейдегі банктердің Ұлттық банктегі шетел валютасындағы корреспонденттік шоттарындағы қалдықтардың ұлғаюымен бейтараптандырылды, бұл таза валюта қорларының (ЕАВ) 2159,4 млн. долларға азаюына алып келді.
Хабарламада атап көрсетілгеніндей, Ұлттық Банктің ішкі таза активтерінің 2007-жылғы тамызда өсуі ақша базасының 3,2 % (немесе 54,7 млрд. теңгеге) ұлғаюына себепші болды. Ұлттық банктің таза халықаралық резервтері ағымдағы бағалармен 9,2 % (немесе 2163,7 млн. долл.) кеміді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.