Қазақстанның ішкі нарығында қант бағасының өсуіне себеп жоқ - Ауыл шаруашылық министрлігі
Қазақстанның ішкі нарығында қант бағасының өсуіне себеп жоқ - Ауыл шаруашылық министрлігі
Астана. 28-ақпан. "Қазақстан Бүгін" - Ауыл шаруашылық министрлігі Қазақстанның ішкі нарығында қант бағасының өсуіне себеп жоқ деп сендіріп отыр. Бұл туралы Ауыл шаруашылығы министрлігінің қант әкелуге квота енгізу туралы үкімет қаулысын түсіндіретін баспасөз баянында көрсетілген.
"Қазақстанның ішкі нарығында қант бағасының өсуіне себеп жоқ", - деп көрсетілген баспасөз баянында.
"Ішкі нарықты демпингтік импорт экспансиясынан қорғау Қазақстанның қант зауыттарына табысты өнім өндіруге, қант қызылшасының өндірісін қайта жолға қоюға мүмкіндік береді", - дейді министрлік хабарламасында.
Ауыл шаруашылығы министрлігі ТМД елдері, оның ішінде, Ресей, Беларусь, Украина мен Қырғызстан ішкі нарықты қорғау мақсатымен қант әкелуге не тыйым салған, не режиміне өзгерістер енгізген.
"Осындай жағдайда Қазақстанның ішкі нарығына кәдімгідей қауіп төнді. Ол квота енгізілгенге дейін іс жүзінде қорғалмаған еді", - деп атап көрсетілген баспасөз баянында.
"Осы уақытқа дейін Қазақстан кедендік қадағалау аясында өңделген қант өнімдерін енгізу режиміне түзету енгізбеген ТМД-дағы жалғыз мемлекет болып келді. Бұл көрші елдердің кәсіпкерлеріне Қазақстанға арналған толлингтік өнімі өндірісін жолға қоюға мүмкіншілік беріп келді. Бұл отандық қант зауыттарының жұмысын, одан әрі қант қызылшасын өндірушілерді шығынға батырды", - деп атап көрсетілген құжатта.
ҚР Ауыл шаруашылығы министрлігінің мәліметтеріне сүйенсек, Ресейден қарағанда ТМД елдеріне таралмайтын ақ қантқа арналған импорттық кедендік төлем мөлшерлемесі шикізатына қарамастан 30 пайызды құрайды. Алайда, ол 1 кг-ға 0,12 евродан кем болмауы шарт. 2007 жылы оның алдындағы жылмен салыстырғанда қант импорты 53 пайызға өсті. Ішкі нарықтағы импорт көлемі 15,8 пайыздан 30,3 пайызға дейін ұлғайды. 2007 жылғы қант импортының сараптама нәтижелері Ресейдің ең жоғары үлеске ие екендігін көрсетіп отыр (94 пайыз).
Бұрын хабарлағанымыздай, 2008 жылдың 26-ақпанында үкімет 2008 жылдың 1-қазанына дейін қант импортына уақытша квота енгізуді және ол квотаны қант өңдеуші заңды тұлғалар арасында бөлуді қарастыратын "Кейбір тауар түрлеріне қатысты шектеулер енгізу туралы" қаулы қабылдаған.
Аталмыш қаулы осы саладағы отандық ауыл шаруашылығы тауарларын өндірушілерді жігерлендіру және қолдау мақсатында, сондай-ақ, ішкі нарықтағы қорғаныс шараларының бірі ретінде қабылданған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.