Қазақстанның премьер-министрі "Қазына" ТДҚ өзінің еншілес компанияларының іс-қызметіне халықаралық қаржы институттарын тартуды жеделдетуді тапсырды
Қазақстанның премьер-министрі "Қазына" ТДҚ өзінің еншілес компанияларының іс-қызметіне халықаралық қаржы институттарын тартуды жеделдетуді тапсырды
Астана. 11-ақпан. "Қазақстан Бүгін" - Қазақстанның премьер-министрі Кәрім Мәсімов "Қазына" Тұрақты даму қорына өзінің еншілес компанияларының іс-қызметіне стратегиялық серіктестері ретінде халықаралық қаржы институттарын тартуды жеделдетуді тапсырды. Үкімет басшысы мұндай тапсырманы бүгін "Қазына" тұрақты даму қорының алқа отырысында берді, деп хабарлайды "Қазақстан Бүгін" агенттігінің тілшісі.
"Стратегиялық серіктестер ретінде халықаралық қаржы институттарын тарту жөніндегі басталған жұмысты өте қысқа мерзімде аяқтау керек",- деді К. Мәсімов.
"Мұнда ең жоғарғы дайындық деңгейі Еуропалық қайта құру және даму банкіне қатысты. Мен Еуропалық қайта құру және даму банкінің президенті Лемьермен сөйлестім, олар өз тарапынан мүдделік танытып отыр, тек қысқа мерзім ішінде келіссөздер жүргізу қажет",- деп түсіндірді ол.
"Біздің тек қана белсенді, ашық әрі айқын болуымыз керек, себебі біз неғұрлым ашық болмасақ, соғұрлым көп сұрақтар, сыбайлас жемқорлыққа қатысты күдіктер туындайды"-, деп жалғады өз сөзін К. Мәсімов.
Ол қазірде "дүниежүзілік қаржы нарығы көптеген қаржы институттары үшін жабық екендігін" еске сала кетті. "Ол ашылғанда, өмір өзі көрсетеді. Бірақ біз қазір, дәл осы сәтте өзіміздің құрылымдық реформаларымызды жалғастыра отырып, бұл нарықтың ашылуы үшін, оның Қазақстан үшін алғашқылардың бірі болып ашылуы үшін қолдан келгеннің бәрін жасауымыз керек",- деп түсіндіріп өтті үкімет басшысы.
"Қазақстанның инвестициялық қоры" АҚ басқармасының төрағасы Мақсат Қабашев өз кезегінде Қазақстан Республикасының үкіметі, "Қазақстанның Инвестициялық қоры" АҚ мен "Қазына" Тұрақты даму қорының арасында Еуропалық қайта құру және даму банкінің инвестициялық қордың жарғылық капиталына кіру туралы алдын ала келісім-шартқа қол қоюға дайын екендіктерін мәлім етті.
"Біз наурызда осындай алдын ала жасалған келісім-шартты ұсынуға дайынбыз. Егер сіз рұқсат берсеңіз, біз осы бағытта жұмыс істей бастаймыз",- деді Мақсат Қабашев премьер-министрге қарап сөйлеген сөзінде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.