Қазақстанның төрт облысында фермерлерге қызмет көрсету орталықтары ашылады
Еліміздің ауыл шаруашылығындағы негізгі қаржы институты "ілкі" жоба ретінде Ақмола, Алматы, Қостанай және Оңтүстік Қазақстан облыстарының бес ауданында Фермерлерге қызмет көрсету орталықтарын ашпақшы, деп хабарлайды "ҚазАгро" ҰБХ" АҚ баспасөз қызметі.
Астана. 22-қараша. Kazakhstan Today - Қазақстанның төрт облысында фермерлерге қызмет көрсету орталықтары ашылады, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, "ҚазАгро" ұлттық холдингі аграрийлерді қаржыландыруды жеңілдету бойынша оңтайлы шешімдер іздестіруде.
Еліміздің ауыл шаруашылығындағы негізгі қаржы институты "ілкі" жоба ретінде Ақмола, Алматы, Қостанай және Оңтүстік Қазақстан облыстарының бес ауданында Фермерлерге қызмет көрсету орталықтарын ашпақшы, деп хабарлайды "ҚазАгро" ҰБХ" АҚ баспасөз қызметі.
Орталықтардың мамандары несие алуға өтініштерді қабылдайтын және ауылдықтарға консультативтік қызметтер көрсететін болады. Бұл жобаны іске асыру бойынша жұмыстар биылғы жыл аяқталғанға дейін басталады.
"ҚазАгро" холдингі" АҚ Басқарма төрағасы Дулат Айтжанов қаржыландырудың қолжетімділігіне байланысты агробизнес мәселелерін шешу бойынша жүйелік шараларды әзірлеу міндетін қойды.
Ұлттық холдинг басшысы айтқандай, "ҚазАгро" жұмыс тобының қызметі мен ұмтылыстарының қорытындысы мен көрсеткіштері жалпы өз жобасын қаржыландыру туралы шешімді фермер ең аз мерзімде және "бір терезеден" алатын жағдай болуы керек. Бұнымен қоса, Айтжановтың айтуынша, Қызмет көрсету орталықтарын шаруашылық жерлеріне жақын орналастыру қажет, ал олардың автоматтандырылған ақпараттық жүйесі коммерциалық банктермен, сондай-ақ мемлекеттік құрылымдармен және ведомстволармен ықпалдасуы керек.
Қызмет көрсету орталықтарын ашудан басқа ұлттық холдинг несие беру процесін оңтайландыру аясында және ауыл шаруашылық тауарларын өндірушілерге ыңғайлы болуы үшін "ҚазАгроның" еншілес компанияларының аймақтық филиалдарын облыс орталықтарында бір ғимаратқа орналастыру туралы шешім қабылдады. Еншілес компаниялар филиалдарын қайта орналастыру бойынша жұмысты 2013 жылы аяқтау жоспарлануда.
Айта кету керек, "ҚазАгро" ауылда несиелендіру рәсімдерін жетілдіруді бірнеше жылдан бері жүргізіп келеді. Бүгінде жобаны жүзеге асыру кезінде талап етілетін міндетті құжаттар тізімі қысқартылды, өтініштерді қарастыру мерзімдерін қысқарту бойынша жұмыс жүргізілуде, шаруашылықтарға көрсетілетін қызметтер бойынша ең аз мөлшерлемелерді бекіту туралы ұйымдармен меморандумдар жасалып жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.