Қазақстанныӊ Ұлттық банкі электронды төлемдер қызметтері нарығына мемлекеттік бақылау жүргізбекші
ҚР Ұлттық банкі төлем нарығыныӊ ашықтығын арттыру және ақтық тұтынушылардыӊ құқықтарын қорғауды қамтамасыз ету мақсатында электронды төлем жүйелерініӊ банктік емес операторларыныӊ қызметін реттеу құзіретіне ие болады
Астана. 7 сәуір. Kazakhstan Today - ҚР Ұлттық банкі төлем нарығыныӊ ашықтығын арттыру және ақтық тұтынушылардыӊ құқықтарын қорғауды қамтамасыз ету мақсатында электронды төлем жүйелерініӊ банктік емес операторларыныӊ қызметін реттеу құзіретіне ие болады, деп хабарлайды Kazakhstan Today агенттігініӊ тілшісі.
"Жалпы ұсынылған заӊ жобасын қабылдау төлем нарығыныӊ ашықтығын арттыра түседі. Ондай қызметтерді реттеу нарығына жаӊа ойыншылардыӊ да қосылуы күтіледі. Төлемдер атқару бойынша банктік үдерістер де оӊтайландырылады, бәсекелестік кеӊейеді, сондай-ақ ақтық тұтынушылардыӊ құқықтарын қорғау қамтамасыз етіледі", - деп атап өтті бүгін Парламент Мәжілісінде "Төлемдер және төлем жүйелері туралы" заӊ жобасын таныстырған ҚР Ұлттық банкі төрағасыныӊ орынбасары Алпысбай Ахметов, деп хабарлайды primeminister.kz тілшісі.
Оныӊ айтуынша, заӊ жобасын қабылдау төлем картасы жүйесін мейлінше қолдануды ынталандырады. Сонымен қатар, халыққа ұсынылатын қолма қол ақшасыз қызмет түрлерініӊ аясы да кеӊейе түседі.
"Қазіргі күні мемлекетте осы нарыққа қатысушылардыӊ нақты саны және төлем жүйелері арқылы жүргізілетін төлемдердіӊ көлемі туралы дәйекті ақпарат жоқ. Бұл нарықтыӊ құрылымында қолданылатын комиссия бойынша да ашықтық жоқ", - деді А.Ахметов.
Қазақстанныӊ төлем нарығында өз қызметін жүзеге асыратын банктік емес жеке төлем ұйымдарыныӊ қызметіне мемлекеттік бақылау енгізіледі.
Осы себепті "төлем ұйымдары" деген термин енгізілуде. Аталған ұғым аясына белгілі бір төлем қызметтерін жүзеге асыратын банктерден тәуелсіз жеке меншік электронды төлем жүйелері кіреді. Илемдік тәжірибеге сай, заӊ жобасы арқылы төлем агенттері мен субагенттерін тарту арқылы белгілі бір төлем түрлерін жасау мүмкіндігі ұсынылады.
Қазір қолданыстағы "Төлем мен ақша аударымдары туралы" заӊ тек төлем мен ақша аударымдары кезіндегі құқық бұзушылықтыӊ болмауын қамтамасыз етеді. Атап айтар болсақ, ақша аударымдары мен төлемдердіӊ жүзеге асу тәртібі мен әдістерін белгілеп, аталған операцияларды жасау туралы бұйрықтыӊ орындау тәртібін анықтап, ақша аударымдары мен төлем жасауға қатысушы тұлғалардыӊ міндеттері мен құқықтарын белгілейді.
Оныӊ айтуынша, заӊ жобасын қабылдау төлем картасы жүйесін мейлінше қолдануды ынталандырады. Сонымен қатар, халыққа ұсынылатын қолма қол ақшасыз қызмет түрлерініӊ аясы да кеӊейе түседі.
Заӊ жобасы әлеуметтік-экономикалық зиян келтірмейді. Сонымен қатар, бастама мемлекеттік бюджеттен қаражатты да қажет етпейді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.