Қазақстан-Венгрия Іскерлік кеңесін құру туралы меморандумға қол қойылды (толық нұқасы)
Қазақстан-Венгрия Іскерлік кеңесін құру туралы меморандумға қол қойылды (толық нұқасы)
Астана. 28 қараша. "Қазақстан Бүгін" - Кеше Астанада Қазақстан-Венгрия экономикалық ынтымақтастығы жөніндегі үкіметаралық комиссияның 1-отырысы аясында "Атамекен" одағы" Қазақстан ұлттық экономикалық палатасы мен Венгрия Республикасының Сауда палатасы арасындағы Қазақстан-Венгрия Іскерлік кеңесін құру туралы меморандумға қол қойылды, деп хабарлайды агенттік тілшісі ҚР Экономика және бюджетті жоспарлау министрлігінің баспасөз қызметіне сілтеме жасап.
Венгрия - Қазақстанның Шығыс Еуропадағы ең салмақты экономикалық серіктестерінің бірі. Екі ел арасындағы тауар айналымы биылғы жылдың 9 айында 200 млн. АҚШ долларын құраған.
ҚР Экономика және бюджетті жоспарлау министрі Бақыт Сұлтановтың айтуынша, Іскерлік кеңеске Қазақстан мен Венгрияның бизнес-қауымдастықтарының жетекшілері кірді.
"Біздің басқа елдермен тәжірибеміз мұндай іскерлік кеңестердің іскерлік орталар арасындағы ынтымақтастықты арттырудың өте тіимді әрі ықпалды тетік-құралы екенін көрсетіп берді. Іскерлік кеңестің мақсаты - Венгрия мен Қазақстан компаниялары арасында тура байланыстар орнатуға саяды. Бұл тек инвестициялар ағымын ғана емес, сонымен бірге Қазақстан мен Венгрия арасындағы тауар айналымын айтарлықтай ұлғайтуға да мүмкіндік береді", -деді министр.
Сонымен бірге, түрлі елдермен осындай іскерлік кеңестерді құру қазіргі қаржылық дағдарыстан кейінгі экономикалық өсім кезеңіне дайындалуға Қазақстанға мүмкіндік береді. "Дағдарыс ерте ме, кеш пе, аяқталады, дағдарыстың өзі емес, одан кейінгі экономикалық өсім - ең үлкен сынақ. Сол себепті бізге қазір осындай іскерлік кеңестер құрып, жаңа нарықтар мен жаңа түйіліс нүктелерін табу аса маңызды", - деді Б.Сұлтанов.
Өз кезегінде Қазақстан Республикасының үкіметі мен Венгрия Республикасының үкіметі арасындағы экономикалық ынтымақтастық жөніндегі үкіметаралық комиссияның тең төрағасы - Венгрия Республикасының Қаржы министрі Янош Вереш бүгін өткен бизнес-форум барысында : "Қазақстан жағынан Қазақстан Республикасының үкіметі мен Венгрия Республикасының үкіметі арасындағы экономикалық ынтымақтастық жөніндегі үкіметаралық комиссияның тең төрағасы Бақыт Сұлтанов мырзамен біз таңертең бизнес-форум басталар алдында егер кеңестің жұмысы барысында кәсіпкерлерге жобаларды жүзеге асыруда қиындықтар кездесіп жатса, онда біз бір-бірімізбен тікелей байланысқа шығып, бәрін жедел түрде шешуге тырысамыз деп келістік",- деді.
Сонымен бірге, бизнес-форум барысында Венгрияның MOL Rt мұнай компаниясының бас директоры Дьерд Мошони Іскерлік кеңестің отырыстары жылына бір рет өткізілетінін хабарлады. "Біріншісі осында Астанада, келесісі - Венгрияда өтеді", -деді ол.
"Бірақ бұл кеңес мүшелері жиі кездесе алмайды деген сөз емес. Біз бизнеске пайдалы ақпараттармен бөлісіп, серіктес іздеп, түрлі салалардағы ахуалды бағалап, жедел шешім қабылдауға көмектесетін боламыз", - деді MOL Rt басшысы.
Ол сонымен бірге Қазақстан "тек инвестицияларды импорттаушы болып қана қалмай, өз капиталын Венгрияға да экспорттайды" дегенге сенім білдірді. "Біз Венгрия жағы Қазақстан экономикасының басымдық берілген салаларына тек серіктес ретінде ғана емес, инвестор ретінде де қатыса алады деп сенеміз. Біз Қазақстандағы ірі 25 инвестордың тізімін көрдік, біз осындай инвесторлардың тізімінде Венгрияның да пайда болуы үшін талпынатын боламыз. Ол мен басқаратын MOL Rt мұнай компаниясы болуы да мүмкін", - деді Д. Мошони.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.