"Қазына" қоры инвестициялық басымдықтарын қайта қарамақшы
"Қазына" қоры инвестициялық басымдықтарын қайта қарамақшы
Астана. 17 сәуір. "Қазақстан Бүгін" - "Қазына" қоры инвестициялық басымдықтарын қайта қарамақшы. Бұл туралы бүгін "Қазына" Тұрақты даму қоры" АҚ-ның басқармалары төрағасы Арман Дунаев парламент мәжілісінде өткен "Отандық қаржылық институттардың ресурсын тиімді пайдалану - еліміздің бәсекелестік қабілетін көтерудің негізі" атты дөңгелек үстел барысында мәлімдеді, деп хабарлайды агенттік тілшісі.
"Қаржы ресурстарын тиімді пайдалану үшін біз инвестициялық басымдықтарды қайта қарауға шешім қабылдадық. "Қаржыны шаша бермей", инфрақұрылым секілді экономикалық дамуға база қалыптастыратын, сондай-ақ, минаралды шикізатты өңдеумен шұғылданатын жүйеқұрушы салаларды дамытуға бағытталған инвестициялық жобаларды ғана қаржыландыруды ұйғардық", - деді А. Дунаев.
"Сөйтіп, инвестициялық жобаларды қаржыландыруда "Қазына" АҚ бұдан былай инфрақұрылым - транспорт, логистика және энергетика, металлургия, химия және мұнайхимиясы, кәсіпкерлік секілді басымдықтарды таңдайды", - деді ол.
Оның айтуынша, 2010 жылы "Қазынаның" несиелік және инвестициялық қоржыны 75%-ын аталған басымдықтағы салалардың жобасымен, 25% -ын -коммерциялық ақталатын жобалармен толтырылады".
"Жалпы алғанда біз даму институттарының қоржынын қайта құрылымдауды көздеп отырмыз: жобалар бойынша шығындарды мойындау, жобалардан шығу, даму институттарында тиімді басқару жүйесін енгізу. Болашақта жобалар 70%-ға несиелік қаражат есебінен, 30% -ға өз қаржымыз есебінен қаржыландырылады", - деді А. Дунаев.
Сондай-ақ, қор басшысының айтуынша, "алдағы бес жылда "Қазына" өнеркәсіп пен инфрақұрылымды қаржыландыруды ұлғайтып, басқарудағы компаниялар мен активтерінің кірісін өсіруді қамтамасыз етеді".
"2012 жылы "Қазына" компанияларының тобы несиелік және инвестициялық портфелін $13,3 млрд дейін ұлғайтуды жоспарлауда. 2015 жылы "Қазына" даму институттарын лайықты сыйақымен жартылай немесе толық жекешелендірген егеменді инвестициялық қор мәртебесіне ие болады. Қор қызметі мемлекеттің кіріс көздерін әртараптандыру мақсатында активтерді басқаруға бағыт шоғырландырады", -деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.