АЛМАТЫ. 2-тамыз. Kazakhstan Today. "Қазына" Тұрақты даму қоры" АҚ Қазақстан Республикасының Сауда-өнеркәсіптік палатасымен бірлесе отырып өзара ықпалдастық және ынтымақтастық туралы меморандумға қол қойды. Тараптар осы меморандум аясында "Еліміздегі өндіріс орындарының қажеттілігін қамтамасыз ету үшін кәсіп түрлерін игерген жұмысшылар мен мен білікті жұмыс күшін дайындау жөніндегі орталық" құруға қатысты жобаны жүзеге асырады. Бұл туралы кеше Алматыда өткен баспасөз мәслихатында Қазақстан Республикасының Сауда-өнеркәсіптік палатасының президенті Ерлан Қожасбай мәлім етті, деп хабарлайды Kazakhstan Today тілшісі.
Оның айтуынша, қазіргі уақытта "білікті мамандардың жетіспеуіне байланысты өткір проблема туындап отыр, бір жұмысшыға 7 бастықтан келеді. Бұл аса қорқынышты ауытқушылық",- деп атап өтті Ерлан Қожасбай. "Еліміздің қажеттілігіне мамандар дайындау үшін көп бағытты кәсіби-техникалық білім беру орталығын құруда қолдау таптық",- деді ол.
Жоба кәсіби-техникалық мектеп пен өте тапшы мамандықтар бойынша мамандар дайындау орталықтарын құруды қарастырады. "Біз бірінші жобаны Алматыда ашпақпыз, яғни мұнда компаниялар өте көп. Бұл орталық көп профильды болады. Нарықтық қатынасқа өтумен бірге өте көп кәсіп пайда болды, біз оларды анықтап, шетелдік мамандарды тарта отырып дайындаймыз",- деп атап көрсетті Ерлан Қожасбай.
Сонымен қатар, ол аталмыш бағдарламаның "екі жақты көсқараспен қаралатынын атап өтті: біріншіден, әлеуметтік жоба, яғни азаматтарды өте тапшы мамандыққа қайта дайындау. Екіншіден, коммерциялық жоба. Осы тектес орталықтарға қанша қаржы қажет болатындығы белгілі болғанда ғана біз қаржыландыру туралы талқылайтын боламыз",- деп атап өтті.
Атап айтқанда, Ерлан Қожасбайдың хабарлауынша, Шағын бизнес қоры "бүгінде жобаны 500 мың АҚШ долларына дейін қаржыландырып отыр. Келешекте қаржыландыру көлемі ұлғаяды: микробизнес үшін - 500 мың АҚШ долларына дейін, шағын бизнес үшін 1 - 3 млн АҚШ долларына дейін, орта бизнес үшін - 3 - 10 млн АҚШ долларына дейін өседі",- деді Сауда-өнеркәсіптік палатасының президенті.
"Біз соңғы 2-3 жылда ең үлкен проблема - жоғары білікті жұмысшы мамандарды дайындау проблемасы екендігіне көз жеткіздік. Бұл проблема бізге де жетті және де менің пайымдауымша, оған жауап ретінде бизнес осындай бастама көтеруге тиіс. Бұл бағыттың болашағы өте зор",- деп атап көрсетті Е. Қожасбай.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Қазына" мен ҚР Сауда-өнеркәсіптік палатасы кәсіби-техникалық білім беру орталығын құру жөніндегі біріккен жоба жоспарлауда
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.