Қазіргі таңда елімізде 4,5 миллион гектар дәнді дақылдар себілді - Күрішбаев
Қазіргі таңда елімізде 4,5 миллион гектар дәнді дақылдар себілді - Күрішбаев
Астана. 25 мамыр. Kazakhstan Today - Қазіргі таңда елімізде 4,5 миллион гектар дәнді дақылдар себілді. Бұл туралы ауылшаруашылығы министрі Ақылбек Күрішбаев 21 мамырда Солтүстік Қазақстан облысына іссапары кезінде журналистерге берген сұхбатында мәлім етті, деп хабарлайды Kazakhstan Today ҚР ҚР Ауылшаруашылығы министрлігі баспасөз қызметіне сілтеме жасап.
"Қазіргі таңда елімізде 4,5 миллион гектар дәнді дақылдар себілді. Бұл былтырғы жылға қарағанда 500 мың гектарға артық. Бүгін 1 миллиондай майлы дәнді дақылдар себіліп отыр. Бұл да өткен жылмен салыстырғанда 300 мың гектарға көп",- деді А.Күрішбаев.
"Біз былтыр майлы дақылдарды тек қана 1 миллион гектар жерге сепкен болсақ, одна биыл ауыл шаруашылығы өндірушілерінен 1 миллион 400 мың-500 мың гектарға көбейтеміз деп жоспарлап отырмыз. Майлы, бұршақ дақылдарына ауысуымыз қажет. Өйткені бұл дақылдардың бағасы бидайға қарағанда 4-5 есе қымбат. Сондықтан осындай тиімді дақылдар болатын болса, егін шаруашылығын бүгінгіден де ілгері дамытуға мүмкіндік алатын боламыз",- деді мекеме басшысы.
"Биыл елімізде бұрын соңды болмаған рекордтық өнім алдық. Осыған орай біз қолданған шаралардың арқасында экспортқа 6,9 млн тонна астық шығардық. Бұл былтырғымен алғанда, 1,6 млн тоннаға артық. Бір сөзбен айтсақ, бұл жылдық меже. Бүгінгі таңда біз осыған келдік. Бірақ әлі де болса, біздің есебіміз бойынша қоймаларда, элеваторларда 6,9 млн тонна астық жатыр. Былтырғыдан бұл 3 миллион тоннаға артық. Енді Елбасының тапсырмасы бойынша әрбір тоннаға тасымалдау үшін 40 долларға субсидия бөлініп отыр. Сондықтан қазір экспорт жоғарылауы керек",- деді ол.
"Иртараптандыру қазір былтырғымен салыстырғанда, алқаптардың көбіне майлы дақылдармен және бұршақ дақылдарымен себілгенін айтқым келеді. Бұл өте дұрыс. Бірақ, шынын айту керек, біз, ғылыми негіздемеде ұсыныс берген құрылымнан әлі алыс тұрмыз. Соған әлде де бидайымыз монокультура болған көп жерлерде оған әлі тиісті назар аударылмай отыр. Сондықтан, әрине, біз әрбір шаруашылыққа дәнді дақылды қанша мөлшерде сеп, қандай дақылдар сеп деп айта алмаймыз. Біздің мақсатымыз мына нарықтық экономика жағдайында мемлекет ретінде бұл шаруашылықтарға қажетті түсініктеме беріп, содан кейін субсидия механизмін дұрыстап қолданып, субсидияны ынта механизмі арқылы реттеуіміз қерек. Бұл жұмыстар бүгінгі таңда қолға алынып жатыр. Жергілікті жерлерде тиісті жұмыстар жүріп жатыр",- деді А.Күрішбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.