"Казкоммерцбанк" АҚ өзінің артықшылықты акциялары бойынша 2011 жылға дивидендтер төлеуді көздеп отыр
Бағалы қағаздары Қазақстан қор биржасының (KASE) ресми тізімінде тұрған "Казкоммерцбанк" АҚ (Алматы) 2012 жылдың 05 желтоқсанында биржаға баспасөз-релизін жолдап былай деп хабарлады:
Алматы. 5-желтоқсан. Kazakhstan Today - "Казкоммерцбанк" АҚ өзінің артықшылықты акциялары бойынша 2011 жылға дивидендтер төлеуді көздеп отыр, деп хабарлайды Kazakhstan Today агенттігінің тілшісі.
Бағалы қағаздары Қазақстан қор биржасының (KASE) ресми тізімінде тұрған "Казкоммерцбанк" АҚ (Алматы) 2012 жылдың 05 желтоқсанында биржаға баспасөз-релизін жолдап былай деп хабарлады:
"Казкоммерцбанк" акционерлік қоғамы (бұдан әрі - "Банк") Банк акционерлерінің 2012 жылдық 08 мамырында өткен жылдық жалпы жиналысының шешіміне және Қазақстан Республикасының "Акционерлік қоғамдар туралы" Заңының 24 бабы 3 тармағына сәйкес Банк акционерлеріне артықшылықты акциялар бойынша дивидендтер төленетіні туралы хабарлайды.
Дивиденд төленетін кезең - күнтізбелік жыл. Бір артықшылықты акциға шаққандағы дивиденд көлемі - Банк акцияларының шығарылым Аңдатпасына сәйкес тиянақталған болып табылады да, теңгемен көрсетіліп, бір артықшылықты акцияға келесі формуламен есептеледі: 0.04 х дивиден төлеу датасына Банктің есептік бағамы. "Банктің есептік бағамы" деп Банктегі есептік бағам орнатылған күннен бір жұмыс күні бұрын Қазақстан қор биржасының таңертеңгілік (негізгі) сессиясында қалыптасқан теңгенің АҚШ долларына бағамын түсіну керек.
Дивиденд төлеу басталатын күн - 2012 жылдың 12 желтоқсаны, Бактің артықшылықты акциялары бойынша дивиденд алуға құқылы акционерлердің тізімін құрастыру датасы - 2012 жылдың 12 қарашасы. Дивидендтер төлеу тәртібі мен формасы - қолма-қол ақшасыз, Банктің артықшылықты акцияларын ұстаушы - акционерлердің есеп-шоттарына ақша аудару арқылы жүзеге асырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.