"ҚазМұнайГаз" қазақстандық үлесті арттыру бойынша жұмыстарды күшейтуде
Атап айтар болсақ, ҚМГ тендерлік комиссиялардың толыққанды мүшелігіне "Нұр-Отан" халықтық-демократиялық партиясының, "Атамекен" Одағы" Қазақстан ұлттық экономикалық палатасының өкілдері шақырылуда.
Астана. 10-сәуір. Kazakhstan Today - "ҚазМұнайГаз" ҰК" АҚ тауарлар, қызметтер көрсетуде қазақстандық мазмұнның үлесін арттыру, қызмет көрсетушілердің арасында жағымды бәсекелестікті қалыптастыруға бақытталған шаралар кешенін жүзеге асыруда, деп хабарлайды Kazakhstan Today агенттігінің тілшісі.
Бұл туралы ҚазАқпарат агенттігі компанияның баспасөз қызметіне сілтеме жасай отырып хабарлады.
Атап айтар болсақ, ҚМГ тендерлік комиссиялардың толыққанды мүшелігіне "Нұр-Отан" халықтық-демократиялық партиясының, "Атамекен" Одағы" Қазақстан ұлттық экономикалық палатасының өкілдері шақырылуда.
Тағы бір айта кетерлік жәйт, сатып алу ісінде қазақстандық мазмұнның үлесін арттыру мақсатында компанияның Сатып алуды ұйымдастыру департаменті аймақтарда тұрақты көшпелі мәжілістер өткізіп келеді. Мұндай көшпелі мәжілістер Ақтау, Жаңаөзен, Петропавл және Өскемен қалаларында өткізілді. Осындай шаралар алдағы уақытта да тұрақты өтіп тұратын болады.
Сатып алатын тауарлар мен қызметтерге қажеттілік жөнінде отандық кәсіпкерлермен жүйелі ақпараттық жұмыс жүргізіліп, конкурстарды ұйымдастыру ережелері мен тендерлік құжаттарды дайындау жан-жақты түсіндіріледі.
Тендерлік процедуралардың ашықтығын және жариялығын күшейту жөніндегі жұмыстың басты кілті ретінде "ҚазМұнайГаз" Интернет жүйесін пайдаланып отыр. Отандық өндірушілер жоспарланған сатып алу туралы ғаламтордан біле алады. Компания сайтының www.kmg.kz "Сатып алу" бөлімінде компанияның негізгі еншілес кәсіпорындары жақын арадағы бес жыл ішінде жоспарланған сатып алатын тауарлардың каталогы орналасқан.
Қазіргі уақытта 2012-2016 жылдарға арналған каталог жарияланған. Үстіміздегі жылғы сатып алу жоспары компания тобына кіретін барлық ұйымдардың сайттарында берілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.