Система Orphus

"ҚазМұнайГаз" және Schneider Electric біріккен кәсіпорын құрады

29.04.2015, 14:11 4673

Астана. 29 сәуір. Kazakhstan Today - "ҚазМұнайГаз"ҰҚ" АҚ еншілес компаниясы "KMG Systems&Services" ЖШС мен қуат көздерін басқару мен өнеркәсіптік автоматтандыру саласындағы әлемдік көшбасшылардыӊ бірі Schneider Electric компаниясы "KMG Automation" біріккен кәсіпорнын құрды. Жаӊа бірікккен кәсіпорын жергілікті кадрларды тарта отырып, Қазақстан өнеркәсібініӊ әртүрлі салалары, оныӊ ішінде еӊ алдымен мұнайгаз кешені үшін әлемдік деӊгейдегі технологиялық процестерді автоматтандыру жөніндегі жобаларды жасау мен пайдалануға беруді жүзеге асыруды жоспарлауда, деп хабарлайды Kazakhstan Today агенттігініӊ тілшісі.

Біріккен кәсіпорынныӊ негізгі міндеті жергілікті кадр әлеуетін дамыту және өнеркәсіптік автоматтандыру, қуат көздерін бағдарламалық қамтамасыз ету мен басқару саласында Қазақстандағы оқшау жинақтау жүйесін кеӊінен пайдалану болып табылады. Күтіп отырғандай, "KMG Automation" отандық өнеркәсіпті тиімділікті арттыру мен өндірістіӊ қауіпсіздігі жөніндегі алдыӊғы қатарлы шешімдермен қамтамасыз етеді.

Біріккен кәсіпорынныӊ құрамына Schneider Electric компаниясыныӊ Қазақстандағы бизнес-бөлімшесі "Промышленная автоматизация" кіреді және ҚР мұнайгаз саласында эксклюзив құқығында FoxboroИ, TriconexИ, SimSciИ, AvantisИ және WonderwareИ сауда маркаларымен өнімдер мен шешімдер шығаратын болады.

"KMG Automation" ЖШС Басқарма төрағасы Николас Померой атап өткендей, компанияныӊ ұзақмерзімді стратегиялық мақсаты - Қазақстан үшін автоматтандыру жетекші орталығы мен озық құзырлықты таратушы болу.

Тағы бір маӊызды нәрсе, бұл компанияныӊ құрылуы 150-ден астам білікті жұмыс орнын құруға, сонымен бірге автоматтандырудыӊ бақылау-есептеу құралдары мен қондырғыларын құрастыру цехы мен FoxboroИ бақылау-есептеу құралдары үшін қызмет көрсету орталығы, клиенттерді қолдау орталығы, TriconexИ апатқа қарсы қорғану жүйесініӊ құзырлы орталығы және қойма салуға мүмкіндік береді. Жұмыстыӊ үшінші жылы компанияныӊ еӊ кемінде 90 пайыз қызметкерлері ҚР азаматтары болады деп жоспарлануда. "KMG Automation" бас офисі Атырау қаласында орналасады.

"ҚазМұнайГаз" Ұлттық компаниясы" АҚ - Қазақстанныӊ мұнай-газ саласындағы мемлекеттіӊ мүдделерін білдіретін көмірсутегілерін барлау, өндіру, өӊдеу және тасымалдау жөніндегі қазақстандық ұлттық оператор. "ҚазМұнайГаз" ҰК АҚ акцияларыныӊ 100%-і "Самұрық-Қазына" ұлттық әл-ауқат қоры" АҚ-қа тиесілі.

"ҚазМұнайГаз" ұлттық компаниясы" АҚ Қазақстан

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны