"ҚазТрансОйл" АҚ 2012 жылға дивиденттер ретінде 28,8 млрд теңге төлеуді жоспарлады
"ҚазТрансОйл" АҚ (ҚТО) Директорлар кеңесі компания акцонерлерінің жалпы жиналысына 2012 жылға шоғарландырылған таза табыстан 86 % дивиденттерді өтеуге бағыттауды ұсынады, деп хабарлады компанияның бас директоры Қайыргелді Қабылдин.
Астана. 24-сәуір. Kazakhstan Today - "ҚазТрансОйл" АҚ 2012 жылға дивиденттер ретінде 28,8 млрд теңге төлеуді жоспарлады, деп хабарлайды Kazakhstan Today агенттігінің тілшісі.
"ҚазТрансОйл" АҚ (ҚТО) Директорлар кеңесі компания акцонерлерінің жалпы жиналысына 2012 жылға шоғарландырылған таза табыстан 86 % дивиденттерді өтеуге бағыттауды ұсынады, деп хабарлады компанияның бас директоры Қайыргелді Қабылдин.
"Бұл ұсыныстар мынадай: дивиденттерді өтеуге 28,8 млрд теңге бағыттау. Жалпы жылдық жиналыста бұл сан бекітілетін болса, дивиденттер өтеу коэффициенті 2012 жылға шоғырландырылған таза табыстан 86%-ды құрайды", - деді ҚТО басшысы.
Қ.Қабылдиннің айтуынша, компания дивиденттік саясатымызға сәйкес өз міндеттерін айтарлықтай асыра орындады - дивиденттерді өтеуге таза табыс сомасынан 40% кем емес бағыттау. 1 қарапайым акцияға ұсынылған сыйақы мөлшері 75 теңгені құрайды.
"Қазақстандық қор биржасында орналасатын компаниялар, нақты айтқанда "көгілдір фишкалар", мұндай дивиденттер санын ешкім бағыттамайды. Бұл біздің акциялардың тартымдылығы мен Үкіметтің "Халықтық IPO" бағдарламасына қатысуға компанияны дұрыс таңдағанын көрсетеді", - деп атап өтті компанияның бас директоры.
Жалпы алғанда, ҚТО мәліметі бойынша, 2012 жылдың қортындысы бойынша таза шоғырландырылған табыс 33,5 млрд теңгені құрады, бұл 2011 жылмен салыстырғанда 30 %-ға артық. Сонымен қатар, I тоқсанның қортындысы бойынша, көліктік компанияның таза табысы 16,7 млрд теңге деңгейде қалыптасты, бұл 2012 жылдың сәйкес көрсеткішінен шамамен 55 %-ға жоғары, және де жоспардан 124 %-ға артық.
"2012 жылы табыс мұнай тасымалдаудың барлық жоспарланған көлемдерін орындау есебінен алынған және табыстылық артуының басты факторы сыртқы және ішкі нарыққа мұнай тасымалдау тарифтерінің өткен жылдың 1 желтоқсанынан бастап артуы болып табылады", - деп хабарлады Қ.Қабылдин.
Жылдық жалпы жиналыс мақұлдаған жағдайда 2012 жылдың қортындысы бойынша дивиденттер өтеу акционерлер тізілімі негізінде 2013 жылдың 13 маусымының 00 сағат 00 минут жағдайына есептеледі. Дивиденттерді өтеудің өзі ағымдағы жылдың 4 шілдесінде басталады. Бұл мәселе бойынша соңғы шешім ағымдағы жылы 28 мамырда өтетін "ҚазТрансОйл" АҚ акционерлерінің жылдық жалпы жиналысында қабылданады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.