ҚДБ бизнесті несиелеуді ынталандыру үшін коммерциялық банктерге 27 млрд. теңге бөлді
Қазақстан Республикасының индустриялық-инновациялық дамуды қолдау бағдарламасы шеңберінде Қазақстанның даму банкі тарапынан бөлінген коммерциялық банктерді қорландыру мөлшері 27 млрд. теңгені құрады.
Алматы. 6 ақпан. Kazakhstan today. Қазақстан Республикасының индустриялық-инновациялық дамуды қолдау бағдарламасы шеңберінде Қазақстанның даму банкі тарапынан бөлінген коммерциялық банктерді қорландыру мөлшері 27 млрд. теңгені құрады.
"Бағдарламаға 3 коммерциялық банк - "ЦентрКредит Банкі" АҚ, "Альфа Банк" АҚ және "Цеснабанк" АҚ қатысып, олармен алғашқы келісімшарт жасалды. Қазіргі сәтте бағдарламаға тағы бірнеше банктерді қатыстыру мүмкіндігі қарастырылуда", - деп Қазақстан даму банкі хабарлады.
Инвестициялық жобараларды, экспорттық операцияларды жүзеге асыру және айналымдық капиталды толтыру үшін нақты сектор кәсіпорындары қаржыландыруға қол жеткізбек.
Екінші деңгейлі банктердің дамыған филиалдық желісін ескере отырып, Бағдарлама бизнестің жеке субъектілерін барынша қамтуға мүмкіндік береді. Коммерциялық банктер ҚДБ алынатын несиелік қаражатты әлеуметтік-экономикалық әсерге ие экономиканың басым секторларындағы, атап айтқанда, Үдемелі индустриялық-инновациялық даму мемлекеттік бағдарламасы шеңберіндегі бағдарламаларды қаржыландыруға бағытталмақ.
Айта кетейік, бағдарламаның мәні ҚДБ-нің коммерциялық банктерге қаржыландыру ұсынуы арқылы бизнеске салыстырмалы "ұзақ" және "арзан" ақша беруінде. ҚДБ өзінің ерекше мәртебесінің арқасында банктердің арасында ең жоғары кредит рейтингтеріне ие, бұл сыртқы және ішкі қарызды аса ұтымды талаптарда тартуға мүмкіндік береді. Бұдан былай ҚДБ коммерциялық банктерді жылдық 7,9 % несиелендіреді.
Ал банктер болса, өз кезегінде, жеке сектор жобаларын қаржыландырады. Бұл ретте Қазақстанның Даму Банкі ЕДБ-ға бизнес үшін сыйақы мөлшерлемесі бойынша жылдық 11,5% деңгейінде шектеулер белгіледі (мұндай кредиттер бойынша орташа мерзімді мөлшерлеме - 13%).
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.