Кеден заӊнамасын бұзу кезіндегі құқықтық салдар
Осы Келісімге сәйкес кедендік құны 1500 евроға (әуе көлігі үшін 10 000 евро) баламалы сомадан аспайтын және жалпы салмағы 50 килограмнан аспайтын жеке пайдалануға арналған тауарлар (этил спиртін қоспағанда) кедендік декларациялаудан және кедендік төлемдерден босатылады.
Астана. 21 Мамыр. Kazakhstan Today - Жеке тұлғалардыӊ Кеден одағыныӊ кедендік шекарасы арқылы жеке пайдалануға арналған тауарларды өткізу тәртібі:
- Жеке тұлғалардыӊ жеке пайдалануға арналған тауарларды Кеден одағыныӊ кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісіммен (2010 жылғы 18 маусым) регламенттелген, деп хабарлайды Kazakhstan Today агенттігініӊ тілшісі.
Осы Келісімге сәйкес кедендік құны 1500 евроға (әуе көлігі үшін 10 000 евро) баламалы сомадан аспайтын және жалпы салмағы 50 килограмнан аспайтын жеке пайдалануға арналған тауарлар (этил спиртін қоспағанда) кедендік декларациялаудан және кедендік төлемдерден босатылады.
Жоғарыда көрсетілген Келісіммен бірге қосымша Қазақстан Республикасы Қаржы министрініӊ 2015 жылғы 31 наурыздағы №250 бұйрығымен Кеден одағыныӊ кедендік шекарасы арқылы жеке тұлғалар өткізетін тауарларды жеке пайдалануға арналған тауарларға жатқызудыӊ критерийлері бекітілді.
Көрсетілген бұйрықпен кедендік шекара арқылы жеке тұлғалар өткізетін тауарларды жеке пайдалануға арналған тауарларға жатқызу критерийлері, сондай-ақ кедендік шекара арқылы жеке тұлғаныӊ және (немесе) оныӊ тауарларды өткізу жиілігі белгіленген (айына 1 рет).
Аталған критерийлер тек алып жүрілетін және алып жүрілмейтін багаждарға қатысты қарастырылған, тасымалдаушы жеткізген жеке пайдалануға арналған тауарларды өткізу тәртібін реттемейді.
Егер де өткізілетін жеке пайдалануға арналған тауарлар белгіленген критерийлерден асса, көрсетілген тауарлар "Қазақстан Республикасындағы кеден ісі туралы" Қазақстан республикасы кодексініӊ 467-бабына сәйкес кедендік декларациялауға жатады.
Кедендік шекараны өтуі кезінде кедендік декларациялауға жататын тауарларды жеке тұлғаныӊ белгіленген нысанда декларацияламау фактісі "Икімшілік құқық бұзушылықтар туралы" Қазақстан Республикасы Кодексіне сәйкес он айлық есептік көрсеткіш мөлшерінде айыппұл түрінде әкімшілік өндіріп алуға әкеледі.
Егер де жеке тұлға өткізетін декларацияланбаған тауарлардыӊ құны 5 000 айлық есептік көрсеткіштен асса (2015 жылы - 1 АЕК - 1982 теӊге) Қазақстан Республикасы Қылмыстық кодексініӊ 234-бабыныӊ 1-бөлігініӊ санкциясымен мүлікті тәркілеумен 90 тәулікке дейін тыйым салу түрінде қылмыстық жаза көзделген.
Декларацияланбаған тауар құны 10 000 АЕК асқан фактілерде Қазақстан Республикасы Қылмыстық кодексініӊ234-бабыныӊ 2-бөлігініӊ санкциясымен мүлікті конфискациялаумен 3 жылға дейін бас бостандығынан айыру түрінде жаза көзделген.
Кеден одағы және Қазақстан Республикасы кедендік заӊнамасыныӊ ережелері туралы қосымша ақпаратты Қазақстан Республикасы Қаржы министрлігі Мемлекеттік кірістер комитетініӊ "Сall - center"-не 1412 номері бойынша қоӊырау шалу арқылы (қоӊырау шалу тегін), немесе аумақтық мемлекеттік кірістер органдарында білуге болады.
ҚР ҚМ Мемлекеттік кірістер комитеті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.