АСТАНА. 18-қаңтар. Kazakhstan Today. Кейінгі екі жылда ҚР энергетика және минералды ресурстар министрлігі жер қойнауын пайдалану жөніндегі 46 лицензияны кері қайтарып алды. Бұл туралы бүгін ҚР энергетика және минералды ресурстар министрлігінде өткен алқа мәжілісінде осы мекеменің басшысы Бақтықожа Ізмұхамбетов құлағдар етті, деп хабарладйы Kazakhstan Today тілшісі.
"2005-2006-жылдары жер қойнауын пайдаланушылар тарапынан келісім-шартындағы міндеттемелері мен лизенциялық шарттардың орындалуына жасалған талдау қорытындысы бойынша министрлік 145 ескерту жолдап, 156 лицензия мен келісім-шарттарының жұмысы тоқтатылды, 26 лицензияның күші жойылып, 28 келісім-шарты бұзылды",- деді министр.
Сонымен бірге Бақтықожа Ізмұхамбетовтың айтуынша, 2006-жылғы байқаулардың қорытындысы бойынша, жер қойнауын пайдалануға тиісті келісім-шарттарына қол қойылған жағдайда, "жазылатын бонус" атты бап бойынша бюджетке түсетін түсімдер 690 млн долларды, ал "аймақтардың әлеуметтік дамуы" атты бап бойынша 500 млн долларды, "Астана қоры" атты бап бойынша 120 млн долларды құрауы мүмкін.
Министрдің айтуынша, 2006-жылы ол басқаратын мекеме 111 нысан бойынша жер қойнауын пайдалану құқығын алуға ашық байқау жариялаған. Соның ішінде көмірсутегі шикізаты бойынша 23 нысанға, қатты пайдалы қазбалар бойынша 64, жер асты сулары бойынша 24 нысанға байқау жарияланған. Байқау қорытындылары бойынша, жер қойнауын пайдалануға 84 нысан, соның ішінде көмірсутегі шикізаты бойынша 21 нысан, қатты пайдалы қазбалар бойынша 50, жер асты сулары бойынша 12 нысанға қатысты жеңімпаздар анықталды. 26 нысанды барлауға, 39 нысанда барлау мен өнім өндіруге, 18 нысанда өнім өндіруге рұқсат берілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Кейінгі екі жылда Қазақстанда жер қойнауын пайдалану жөніндегі 46 лицензия кері қайтарып алынды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.