БІШКЕК. 18-қаңтар. Kazakhstan Today. Қырғызстанда 2006 жылдың қорытындысы бойынша Жалпы ішкі өнімнің (ЖІӨ) номиналдық көлемі 113,2 млрд. сомды немесе 2,8 АҚШ долларын құрады, деп хабарлайды Kazakhstan Today тілшісі Қырғызстан Республикасының экономика және қаржы министрлігінің баспасөз қызметіне сілтеме жасай отырып.
Баспасөз қызметінің мәліметтеріне сүйенсек, өткен жылдың қорытындысы бойынша ЖІӨ 2,7 пайызды құраған (2005 жылмен салыстырғанда 0,2 пайызға төмендеген). Жалпы ішкі өнімнің өсуінің бәсеңдеуін экономика және қаржы министрлігінің сарапшылары Құмтор алтын кенін өңдеу кәсіпорындардағы өнім мөлшерінің төмендеуімен түсіндіреді. Осы кен орнын өңдеу кәсіпорынын есепке алмағанда экономикалық өсім 5,1 пайызды құрап отыр.
Есеп берген кезең бойынша Қырғызстандағы инфляция деңгейі 5,1 пайызды құрады (2005 жылы 4,9 пайыз). 2006 жылдың желтоқсанында инфляция 1,4 пайызға өскен, бұл көкөніс өнімдерінің бағасының өсуіне (10,4 пайызға), сүт өнімдері, ірімшік және жұмыртқа бағасының (4,2 пайызға), нан бағасының (5,6 пайызға), тұрғын үй қызметінің (1,7 пайызға) және т.б. кезеңдік қымбаттауларға негізделіп отыр.
Сомның АҚШ долларына шаққандағы айырбас бағамы 2006 жылы 7,7 пайызға нығайып, өткен жылдың желтоқсанының аяғында 1 АҚШ долларына шаққандағы бағам 38,12 сомды құраса, сомның АҚШ долларына шаққандағы орташа жылдық айырбастау бағамы 1 АҚШ доллары 40,16 сомды құраған. Сом бағамының нығаюы ұсынылған шетелдік валютаның өсуі мен сыртқы нарықтағы негізгі әлемдік валюталарға шаққандағы доллар бағамының түсуіне негізделеді.
Шілдедегі апат салдарынан Құмтөр кенін өңдеу кәсіпорындарында өнім мөлшерінің айтарлықтай қысқарғандығынан (36,2 пайызға) экономиканың өнеркәсіптік секторындағы өнімнің құлдырауы 10,2 пайызды құрады. Өткен жылғы өнеркәсіптік өнімнің көлемі 50,9 млрд. сомды құрады.
Құмтөрды есепке алмағанда өнеркәсіптің өсімі 4,2 пайыз деңгейіне жетіп отыр (2005 жылы 4,6 пайыз), бұл негізінен тоқыма және тігін өнеркәсібінің (19,1 пайызға), ауылшаруашылық өнімдерін өңдеу (8,2 пайызға), басқа да металл емес өнімдерді өндірудің (1,8 пайызға) өсуі есебінен. Өндірістік кәсіпорындардың үлесі (Құмтөрді қоспағанда) өнеркәсіптің жалпы көлемінің 70-тей пайызын құрайды, 2006 жылы олар 35,9 млрд. сом көлемінде өнім өндірген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстандағы 2006 жылғы Жалпы ішкі өнім 2,8 млрд. АҚШ долларын құрады
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.