Қырғызстанның қаржы министрлігі тұрғын үй ипотекалық несиелеудің үш бағытын әзірледі
Қырғызстанның қаржы министрлігі тұрғын үй ипотекалық несиелеудің үш бағытын әзірледі
Бішкек. 16-қаңтар. "Қазақстан Бүгін" - Қырғызстанның қаржы министрлігі тұрғын үй ипотекалық несиелеу мен тұрғын үй құрылысын қаржыландыруға арналған бюджеттік қаржыны пайдалану механизмін әзірлеумен айналысатын жұмыс тобын құрған болатын. Бұл туралы "Қазақстан Бүгін" агенттігінің тілшісіне министрліктің баспасөз қызметінен хабарлады.
Баспасөз қызметінің ақпараттарына сүйенсек, қазіргі уақытта тұрғын үй ипотекалық несиелеудің үш бағыты әзірленген: "Жас мұғалімдер депозиті" және "Жас дәргерлер депозиті" бағдарламалары аясында жас мұғалімдер мен дәрігерлерге арналған баспана.
"Тұрғын үй несиесінің жинақтау жүйесіне тұрғындардың көбі қол жеткізе алады, жинақтау схемасы бойынша ипотекалық тұрғын үй несиесіне қатысты іс-шаралар жоспарын әзірлеу жоспарлануда. Азаматтар осындай ұзақмерзімді тұрғын үй несиесінің тұрғын үй-жинақтау жүйесінің ұйымының көмегімен өз есепшоттарында белгілі бір соманы жинап, мемлекеттің жинақталған қаржыға бонус (сыйақы) беру түріндегі қолдауын таба алады",- деп түсіндірді баспасөз қызметіндегілер.
Баспасөз қызметінің хабарлауынша, кеше нарық жағдайында тұрғын үйлер салуды қаржыландыратын коммерциялық банктермен кездесу өткен. Қаржы министрлігі осы пәтерлердің болашақ иелерімен, "Алтын казык полюс" тұрғын үй-құрылыс кооперативінің мүшелерімен рәсімделген ипотекалық несиелердің пайыздық мөлшерлемесіне субсидия бөлетін болады.
Қазіргі уақытта "Кыргызский инвестиционно-кредитный банк" ААҚ келісім-шарт жасалған, ол "Алтын казык полюс" тұрғын үй-құрылыс кооперативінің мүшелеріне нарықтық жағдайда 12 жылдық мерзіммен жылына 14 пайыздық ипотекалық несие беруді рәсімдейтін болады. Бірақ "Алтын казык полюс" тұрғын үй-құрылыс кооперативінің нақты мүшелері банктің ипотекалық несиесін жылдық 8 пайызбен қайтаратын болады, себебі 6 пайызына мемлекеттік субсидия бөлінеді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.