Қызылорда қаласында "SmartRubber" инновациялық зауыты іске қосылды
"Зауыттың жобалық қуаты - 270 тонна резеңке қиындысын, 440 тонна белсенді резеңке қиындысын және 3,9 млн. метр жер асты арқылы суару үшін жүргізілетін құбыр жасауға мүмкіндік береді",- делінген хабарламада.
Алматы. 28 қаңтар. Kazakhstan today. ҚР ИЖТМ және "ТДҰА" АҚ қолдауымен Қызылорда қаласында ескі автокөлік дөңгелектерін қайта кәдеге жарататын және өңдейтін, алынған шикізаттан қайта өнім жасап шығатын инновациялық "SmartRubber" зауыты іске қосылды, деп "Технологиялық даму жөніндегі ұлттық агенттiк" АҚ баспасөз қызметі хабарлады.
"Зауыттың жобалық қуаты - 270 тонна резеңке қиындысын, 440 тонна белсенді резеңке қиындысын және 3,9 млн. метр жер асты арқылы суару үшін жүргізілетін құбыр жасауға мүмкіндік береді",- делінген хабарламада.
Жоспар бойынша, зауыт жылына 1,5 мың тонна автомобиль дөңгелектерін қайты өңдейтін болады.
"Smart Drop жерасты суару құбырлары иновациялық өнім және Қазақстанда мұндай ұқсас өндіріс бұған дейін болмаған. Сондай-ақ, өндіріс "жасыл экономика" талаптарына толығымен сай келеді. Осылайша, тозығы жеткен дөңгелектерді қайта кәдеге жарату арқылы Қызылорда аймағындағы экологиялық ахуал жақсартады", - деп "Технологиялық даму жөніндегі ұлттық агенттiк" АҚ Дәурен Мұратбеков атап өтті.
Ілкімді жобаны "ҚазКаучук" ЖШС ҚР ИЖТМ қолдауымен "ТДҰА" АҚ бөлген инновациялық грант аясында іске асыруда.
Жоба серіктесі өндірістің осы саласы бойынша әлемде көшбастап тұрған немістің "Water Future Systems GmbH" компаниясы болып табылады..
Естеріңізге сала кетейік осы техноллогияны пайдалану әлем бойынша ең тиімдісі.
Айта кетерлік жайт, ешқандай қоспасы жоқ белсенді резеңке қиындылары резеңкеден жасалған техниканың өндірісінде де көптеп қолданылады. Ал, асфальтбетон өндірісінде оны қолдану өз алдына үлкен сала.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.