Қызылорда облысы Қаратереӊ ауылындағы "Тастақ" питомнигіне 100 га жер жалға беріліп, жаӊа үлгідегі балық өсіру питомнигі салынады деп күтілуде
САРАТС-2 жобасыныӊ аясында "Тастақ" питомнигіне 100 га жер жалға беріліп, жаӊа үлгідегі балық өсіру питомнигі салынады деп күтілуде. Бұл жоба жүзеге асқанда Қаратереӊ ауылыныӊ көптеген тұрғыны жұмыспен қамтылады.
Қызылорда. 4 шілде. Kazakhstan Today - Қызылорда облысы Арал ауданда шаруасын дөӊгелентіп отырған іргелі ұжымдар баршылық. "Арал балық өӊдеу зауыты" ЖШС - халықаралық стандартқа сай салынған кәсіпорынныӊ бірі. Тұтынушы талғамынан табылуды мұрат тұтқан компанияныӊ жылына 6000 тоннаға дейін балық өӊдеуге мүмкіндігі бар. Зауыттыӊ қуатты технологиялық жабдықтары балық филесін дайындауға арналған. Қазіргі таӊда мұнда 30 адам еӊбек етеді. Өндіріске қажетті балық кіші Арал теӊізінен жеткізілуде.
Осындай тіршілігі алға басқан мекеменіӊ бірі - "Арал сервистік дайындау орталығы" ЖШС балық өӊдеу зауыты. Білікті кәсіби маман, балықшылар әулетініӊ перзенті Нұрбек Ийімбетов басшылық жасайтын зауытта сапасы жоғары өнім дйындалады. Бүгінгі таӊда өӊделетін балық көлемін арттыру үшін қосымша цехтардыӊ құрылысы жүргізілуде. Кәсіпорынға Кіші Арал теӊізініӊ №№10,12,14,15,17 учаскелері бекітіліп берілген. Тура 7 жыл бұрын зауыт өнімдеріне Еврокод белгісі алынған еді. Осылайша "Арал" СДО уақыт талабымен үндесіп, құлашын кеӊге жайды.
Енді сөз тізгінін елді мекендердегі балық шаруашылығымен айналысатын кәсіп иелеріне қарай бұрсақ. "Мергенсай" ауылдық округінде "Аста" ЖШС, "Бақыт" шаруа қожалығы Кіші теӊізден балық аулау жұмыстарын жүргізеді. Бұл қадам теӊіз перзенттеріне бөтен болып тұрған жоқ. Ауыл тұрғындарыныӊ көпшілігі осы шаруашылықтарда маусымдық балық аулаумен айналысады, дейді олар.
Тастүбек елді мекенінде "Бақыт" шаруа қожалығы балық қабылдайтын мұздатқыш орталығын салған болатын. Нәтижесінде ауылдыӊ біршама адамы еӊбекпен қамтылды. Мұздатқыштыӊ сыйымдылығы 50 тоннаға есептелген. Осынау балық қабылдау мұздатқышына ағымдағы жылдыӊ маусымында қомақты көлемде балық қабылданды. Олардыӊ арасында көксерке, торта, қылыш, жайын, ақмарқа, табан атты балық түрлері бар. "Бақыт" шаруа қожалығыныӊ балық қабылдау мұздатқышында жеті адам тұрақты жұмыс жасаса, маусым кезінде бұл көрсеткіш еселене түседі.
Қияндағы Қаратереӊ ауылыныӊ да басты кәсібі - балық аулау. Осындағы "Қуаныш" ЖШС 46 адамды жұмыспен қамтып отыр. Қазіргі таӊда 600 тонна балықты сыртқа шығаруға мүмкіншілігі жетеді. Күз, көктем айларында, қыста балық тұрақты түрде ауланады. Мамырдан бастап балықтардыӊ уылдырық шашу мезгіліне орай заӊдылыққа сәйкес уақытша тыйым салынады. Нақты кезеӊде Кіші теӊізде балықтыӊ 22 түрі бар. Исіресе, көксерке балығы жиі кездеседі. Экспорт сұранысына сай тыран, сазан, торта, жайын балықтары аудандық, облыстық, республикалық деӊгейдегі сатылымға шығарылып отырады. Балық кәсіпшілігініӊ қарқындауымен Қаратереӊ ауылыныӊ әлеуметтік-экономикалық ахуалы жоғары деӊгейге көтерілді. Округке қарасты "Тастақ" бөлімшесінде өткен ғасырдыӊ орта шенінен бастап жұмыс жасайтын балық өсіру питомнигі орналасқан. Еліміз тәуелсіздігін алғанға дейін аталған питомник мемлекеттік сұраныспен Балқаш, Мыӊарал, Лепсі, Қапшағай көлдеріне балық жіберетін еді. Кіші Теӊіздіӊ қайта оралуына байланысты "Тастақ" питомнигіне жыл сайын 22 млн-ға жуық майда шабақтар өсіру жоспарға сәйкес жүктелген. Қазіргі таӊда питомникте 48 адам жұмыс жасайды.
- САРАТС-2 жобасыныӊ аясында "Тастақ" питомнигіне 100 га жер жалға беріліп, жаӊа үлгідегі балық өсіру питомнигі салынады деп күтілуде. Бұл жоба жүзеге асқанда Қаратереӊ ауылыныӊ көптеген тұрғыны жұмыспен қамтылады. Ауылдыӊ әлуметтік-экономикалық, экологиялық жағдайы жақсарып, халықтыӊ тұрақтануы, жастардыӊ жергілікті жерде жұмыс жасауы артады. Ауыл көлемінде балық шаруашылығын дамыту мақсатында балық қабылдау, орналастыру цехын салуға "АР-Н-КОМ" ЖШС-на жер беріліп, құрылыс жұмыстары жүргізілді. Бұл балық қабылдау, өӊдеу орталығыныӊ 600 тонна балық өндіретін қуаты бар. Бүгінгі күні жұмыстыӊ басым бөлігі аяқталды. Жобаны жуық арада іске қосып, пайдалануға беру көзделген. Отбасылық кәсіпті дамыту мақсатында бірқатар істер атқарылуда. Біршама ауыл тұрғындары кіші кеме қайығын жүргізу үшін аудандық "Жұмыспен қамту орталығында" облыстық деӊгейдегі мамандардан дәріс алуда, - дейді Қаратереӊ ауылдық округініӊ әкімі Құдабай Жиенбаев.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.