Қызылорда облысы кәсіпкерлер палатасы түйе шаруашылығына арналған семинар өткізді
Шара барысында қатысушылар Ойсылқара түлігініӊ еті мен сүтініӊ құндылығы, түйе малын күтіп бағудыӊ өзіндік ерекшеліктері туралы білім алып, жергілікті кәсіпкер Сабыр Ермахановтыӊ түйе сүтін өӊдеумен айналысатын "Аруана" цехыныӊ жұмыстарымен де танысты.
Қызылорда. 9 маусым. Kazakhstan Today - "Атамекен" ҰКП жанынан құрылған "Агробіліктілік орталығы" ЖШС Қызылорда облысыныӊ кәсіпкерлер палатасымен бірге ауыл шаруашылығы саласындағы кәсіпкерлердіӊ кәсіби біліктілігін көтеру шараларын жалғастыруда.
Бұл жолы Шиелі ауданындағы "Шиелі Төрт түлігі" ауыл шаруашылығы өндірістік кооперативініӊ базасында "Түйе шаруашылығы" бағыты бойынша 4 күндік семинар өткізілді. Семинарда БҰҰ жанынан құрылған Ауыл шаруашылығы жөніндегі халықаралық сарапшы, әл-Фараби атындағы ҚазҰУ биотехнология кафедрасыныӊ оқытушысы, PhD докторы, профессор Гаухар Қонысбаева дәріс оқыды.
Шара барысында қатысушылар Ойсылқара түлігініӊ еті мен сүтініӊ құндылығы, түйе малын күтіп бағудыӊ өзіндік ерекшеліктері туралы білім алып, жергілікті кәсіпкер Сабыр Ермахановтыӊ түйе сүтін өӊдеумен айналысатын "Аруана" цехыныӊ жұмыстарымен де танысты.
Семинар барысында шараға қатысушылардыӊ арасынан 4-5 тыӊдаушы табиғи таза органикалық өнім болып табылатын түйе еті мен сүтін өндірумен айналысуға қызығушылық танытып, "Аруана" цехымен алдағы уақытта әріптестік байланыста болатындықтарын жеткізді.
Шара қорытындысымен қатысушыларға сертификаттар табысталды.
Айта кету керек, ауыл шаруашылық тауар өндірушілерге мемлекеттен көрсетілетін қолдаулардыӊ барлық түрлері туралы ақпарат алғыӊыз келсе, "Атамекен" ҰКП байланыс орталығындағы 8-8000808010 нөміріне хабарласа аласыз. Қоӊырау шалу тегін.
Онлайн өтініш беру үшін ауыл шаруашылығы өнімдерін өндірушілерге арналған fermers.kz веб-порталы жұмыс жасайтындығын назарларыӊызға саламыз,- деп хабарлайды Қызылорда облысы кәсіпкерлер палатасыныӊ баспасөз қызметі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.