Қызылорда облысында электронды декларациялау жүйесініӊ пилотты нұсқасы қолданылуда
Қызылорда облысы бойынша мемлекеттік кірістер департаментінде "Сапалы қызмет көрсету - жемқорлықты болдырмаудыӊ кепілі" деген тақырыппен жергілікті ақпарат құралдары өкілдеріне арналған пресс тур өтті.
Қызылорда. 28 сәуір. Kazakhstan Today - Қызылорда облысы бойынша мемлекеттік кірістер департаментінде "Сапалы қызмет көрсету - жемқорлықты болдырмаудыӊ кепілі" деген тақырыппен жергілікті ақпарат құралдары өкілдеріне арналған пресс тур өтті.
Мемлекеттік кірістер органдары тарапынан көрсетілетін мемлекеттік қызмет түрлері, олардыӊ сапасын көтеру мақсатындағы жаӊа талаптар туралы ақпарат беруге арналған пресс тур департаменттіӊ "Ақпараттарды қабылдау және өӊдеу орталығында" басталды. Департамент басшысыныӊ орынбасары Мұса Оспанұлы Қалдарбеков журналистерге мемлекеттік кірістер органдары қызметін көрсетудегі қызметтері үшін алғыс білдірді. Мұнан соӊ мемлекеттік қызмет көрсету басқарқармасыныӊ басшысы Шортанбаева Гүлжамал және бөлім басшысы Амангелдиев Нұрлыбек қызылордалық салық төлеушілерге көрсетіліп отырған қызметтердіӊ жетілдірілген деӊгейін сипаттап берді, терминал қызметімен таныстырды.
Департаменттіӊ екінші ғимаратындағы кездесу "Қызылорда-кедендік ресімдеу орталығы" кеден бекетінде жалғасты. Журналистерді департамент басшысыныӊ орынбасары Майхиев Или Қабиұлы қарсы алды. Кедендік бақылау амалдары және тауарларды кедендік тазартудан өткізу жүйесі туралы қысқаша таныстырған лауазымды тұлға журналистердіӊ сұрақтарына да жауап берді. Мұнан соӊ, кеден бекеті басшысыныӊ орынбасары Ердібаев Қайрат жаӊа жоба - электронды декларациялаудыӊ "АСТАНА-1" ақпараттық жүйесі туралы айтып берді. Бүкіләлемдік сауда ұйымыныӊ нормаларына және халықаралық стандарттарға сәйкес, 90-нан астам елдерде белсенді қолданылатын ASYCUDA бағдарламасы негізінде жасалған бұл жүйеніӊ пилоттық нұсқасыныӊ бірінші кезегі 2016 жылдыӊ шілде айында Астана қаласы бойынша МКД базасында іске қосылған болатын. 2017 жылдыӊ 15 ақпанынан бастап жоба Қызылорда облысы бойынша мемлекеттік кірістер департаментінде қолданылуда. "Электронды декларациялауға көшу кеден құнын бақылау және тауарларды сыныптау бойынша екпінді тауарларды шығарғаннан кейінгі кезеӊге ауыстыруға мүмкіндік береді, бұл өз кезегінде тауарлардыӊ шығару мерзімдерін қысқартуға септігін тигізеді",- дейді мамандар.
Департаменттіӊ Ішкі қауіпсіздік басқармасыныӊ бас маманы Абдыкамалов Мақсат сыбайлас жемқорлық әрекеттерініӊ алдын алу және болдырмау мақсатында іске асырылып жатқан шаралар туралы әӊгімелеп берді.
Қалыӊ тұтынушыға 50-ге жуық қызмет түрлерін көрсететін мемлекеттік кірістер органдары жұртшылық үшін де, бизнес үшін де қолайлы жағдай жасауды мақсат тұтады. Ашықтық пен мөлдірлік, жылдамдық пен сапалы қызмет - жаӊа бағдарламалар мен ережелерді енгізудіӊ түпкі нәтижесі осы болу керек.
Бақыт Орданова, Қызылорда орблысы бойынша МКД бас маманы
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.