Қызылорда облысында өӊдеу өнекәсібі саласында бірқатар кәсіпорындар салынуда
Қызылорда облысында жергілікті шикізатты өӊдейтін, өнімдері әлемдік нарықта сұранысқа ие болатын бірқатар кәсіпорындар салынуда. Бұл жөнінде Қызылорда облысыныӊ әкімі Қырымбек Көшербаев 15 ақпандағы халыққа есеп беру кездесуінде мәлім етті, - деп хабарлайды Kazakhstan Today.
Қызылорда. 16 ақпан. Kazakhstan Today - Қызылорда облысында жергілікті шикізатты өӊдейтін, өнімдері әлемдік нарықта сұранысқа ие болатын бірқатар кәсіпорындар салынуда. Бұл жөнінде Қызылорда облысыныӊ әкімі Қырымбек Көшербаев 15 ақпандағы халыққа есеп беру кездесуінде мәлім етті, - деп хабарлайды Kazakhstan Today.
2016 жылы екі цемент зауытыныӊ құрылысы басталды. Жаӊақорған ауданында құрылыс цементі өндірісі және Шиелі ауданында тампонажды цемент өндірісі. Бұл екі жоба бойынша инвестицияныӊ көлемі 74 млрд теӊгені құрайды. Оларды іске қосу 400-ге жуық жаӊа жұмыс орнын құруға мүмкіндік береді. Зауыттарды 2018 жылдыӊ басында іске қосу жоспарланған.
- Арал қаласында "Аралтұз" акционерлік қоғамы қуаттылығы 300 тонналық кальцийлендірілген сода зауытыныӊ құрылыс жобасын жүзеге асыруға "Қазақстан Даму банкі" арқылы қаржыландыру мәселелерін шешті. Бұл еліміздіӊ барлық қажеттіліктерініӊ 75 пайызын өтейтін, кальцийлендірілген сода шығаратын республикадағы бірден бір заманауи зауыт болмақ. Айтқандай, индустрияландыру Картасы аясында өндіріске испан цехыныӊ іске қосылуы нәтижесінде "Аралтұз" бүгінгі таӊда өз өнімініӊ 60 пайызын шетелге экспорттуда. Соӊғы екі жылдыӊ өзінде зауыт Ресейдіӊ ас тұзы нарығыныӊ 12 пайызын иеленді. Ал, 2016 жылы кәсіпорын ас және техникалық тұз шығаратын екінші цехты іске қосты. Нәтижесінде, әсіре ұнтақ ас тұзын өндіру көлемі жеті есе ұлғайды. Шығарылатын өнімдердіӊ түрі көбейді және қосымша 200-ден астам жұмыс орны құрылуда,- деп мәлімдеді облыс әкімі.
Қызылорда қаласыныӊ индустрияландыру аймағында үшоксидтік молибден өндірісі бойынша ("Тримо" ЖШС) кәсіпорын жұмысын бастайды. Кәсіпорынныӊ өнімдері атом энергетикасы мен авиациялық-ғарыштық техникада, микро және оптоэлектроникада пайдаланылады. Өнімдерді Жапонияға экспорттау жоспарлануда.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.