"Қызылорда облысыныӊ аумақтық мемлекеттік жекеменшік әріптестік орталығы" ЖШС құрылды
Мемлекеттік жекеменшік әріптестік жобаларын консультативтік сүйемелдеу, жергілікті бюджеттік инвестициалық жобалардыӊ техникалық-экономикалық негіздемелерін әзірлеу қызметтерін көрсететін орталық директоры Мақсат Еламанныӊ айтуынша сала жұмысында аймақ инфрақұрылымы мен халықтыӊ өмір сүру жүйесін дамыту үшін инвестиция тартуға баса назар аударылады.
Қызылорда. 9 маусым. Kazakhstan Today - Көптеген мемлекеттердіӊ экономикасында мемлекет пен жеке бизнестіӊ өзара қарым-қатынасыныӊ жаӊа формасы - мемлекет пен жекеменшік әріптестік кеӊ қанат жайып келеді. Ол әлеуметтік маӊызы бар жобаларды жүзеге асыруға жеке кәсіпкерлік нысандарын тартудыӊ тиімді механизмі болып табылады. Қазақстанныӊ бүгінгі экономикасы саясатындағы өзекті мәселеніӊ бірі - мемлекет пен жекеніӊ байланысына ықпал ететін және үдерістерді тиімді түрде жеделдетіп, МЖИ дамыту болып отыр.
Аймақтыӊ жалпы инвестициялық қабілетін арттыру мақсатында және МЖИ жобаларын әзірлеуде кеӊес беру үшін облыс әкімдігініӊ 2016 жылғы 4 шілдедегі №517 қаулысына сәйкес "Қызылорда облысыныӊ аумақтық мемлекеттік жекеменшік әріптестік орталығы" жауапкершілігі шектеулі серіктестігі құрылды. Мемлекеттік жекеменшік әріптестік жобаларын консультативтік сүйемелдеу, жергілікті бюджеттік инвестициалық жобалардыӊ техникалық-экономикалық негіздемелерін әзірлеу қызметтерін көрсететін орталық директоры Мақсат Еламанныӊ айтуынша сала жұмысында аймақ инфрақұрылымы мен халықтыӊ өмір сүру жүйесін дамыту үшін инвестиция тартуға баса назар аударылады.
Мемлекеттік - жекешелік әріптестік жобаларын қарау барысында басты назар қоғам үшін тиімді басымдылықтарға аударылады. Мысалы мемлекет үшін бұл басымдықтарға бюджет қаражатын үнемдеу қосымша ресурстар (қаржылық, материалдық және басқарушылық) алу, көрсетілетін қызметтер мен тауарлардыӊ сапасы мен көлемін арттыру жатады. Сонымен қатар, жаӊа жұмыс орындарын құру және бұрынғы жұмыс орындарын сақтау, жобаны іске асыруда уақытты үнемдеу, көпшілік міндеттердіӊ шешімін жылдамдату секілді тиімділіктер жоспары бекітілді. Жеке әріптестік үшін нарықтық кеӊістікті кеӊейту, жобаларды жүзеге асыру барысында мемлекеттіӊ кепілдігімен жеӊілдетілген несие алу мүмкіндігі, бюджет қаражатын тарту, салынған инвестицияныӊ қайту кепілдігі сияқты жақсы тұстары жетерлік.
Сонымен қатар, мемлекеттік - жекешелік әріптестік жобаларға қатысқысы келгендерге де тосқауыл қойылмайды. Барлық ынта білдірушілер Қызылорда қаласы, Ийтеке би көшесі, 28 үйде ("Қызылорда облысы кәсіпкерлер палатасы" ғимараты, 4 қабат, байланыс телефоны 26-27-18, 26-27-19) орналасқан "Қызылорда облысыныӊ аумақтық мемлекеттік жекеменшік әріптестік орталығы" жауапкершілігі шектеулі серіктестігіне хабарласа алады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.