Қызылорда облысыныӊ дихандары биыл 4 млрд теӊгеден астам субсидия алмақ
Онда облыс әкімі Қырымбек Көшербаевтыӊ қатысуымен күріш алқабына дән себілді. Егін науқаныныӊ жаршысындай айтулы күнде аймақ басшысы биылғы өнімніӊ берекелі, молынан болуын тіледі.
Қызылорда. 5 мамыр. Kazakhstan Today - Қызылорда облысыныӊ Жалағаш ауданы Бұқарбай батыр ауылындағы егістік басында "Дала күні" аталып өтті, деп жазады Сыр бойы газетініӊ тілшісі.
Онда облыс әкімі Қырымбек Көшербаевтыӊ қатысуымен күріш алқабына дән себілді. Егін науқаныныӊ жаршысындай айтулы күнде аймақ басшысы биылғы өнімніӊ берекелі, молынан болуын тіледі.
"Байтабын" ЖШС-ныӊ күрішшілері биыл да биіктен көрінуді көздеп отыр. Өткен жылы гектарына 65 центнерден өнім алған шаруашылық іргетасы 1999 жылы қаланған. Одан беріде талай жыл өтті, ол күндер еншісінде бес батпан бейнет бар. Бүгін, міне, соныӊ зейнетіндей, үлкен ұжымға айналды.
- Рас, алғашқы жылдарда жағдай қиын болды. Қазіргі күні ол көрген түске айналғандай. Шаруашылық көкжиегін кеӊейтті, егістік жеріміз 2 мыӊ гектардан асады. Биыл соныӊ 1400 гектарына күріш дәнін сеуіп, 800 гекатардай жерге жоӊышқа отырғызсақ деп отырмыз. Жұмысшылар жағдайы қуантарлықтай, айлық жалақылары 120 мыӊ теӊге. Негізі 107 адамды тұрақты жұмыспен қамтып отырмыз. Қазіргі күні шаруашылық 400 гектарға дән сеуіп, 200 гектарын суға бастырып үлгерді, - дейді шаруашылық басшысы Сапарбек Мыханов.
Егіс басында аймақ басшысына Жалағаш ауданы әкімі Талғат Дүйсебаев диқандар алдындағы маӊызды міндеттерді баяндады. Аудан осы жылы 18100 гектар жерге сыр салысын отырғызбақ. Былтыр 19500 гектар жерге себілген дәннен 57,3 центнерден өнім алған. Аудан әкімініӊ айтуынша, өӊірде 34 ауылшаруашылық кооперативі құрылған. Олардыӊ табысты қызмет етіп жатқандығына "Байтабын" өндірістік кооперативі дәлел.
Сонымен қатар, облыстық ауыл шаруашылығы басқарма басшысы Бақыт Жаханов облыс әкіміне диқандарға жасалып отырған мемлекеттік қолдау жайынан ақпар берді. Оныӊ айтуынша, биылғы жылы Сыр дихандары 4 млрд теӊгеден астам субсидия алмақ. Техникаларға қажетті жанар-жағармайдан ешқандай мәселе жоқ. Өӊірде 78,4 мыӊ гектар жерге күріш дәні себілсе, 6,1 мыӊ гектарға басқа дәнді дақылдар отырғызылмақ. Маӊызды жаӊалықтардыӊ бірі - "Дала күнінде" себілген дән - бірінші репродукциялы "Янтарь" сорты. Ресейден алынған сапалы тұқым бүгінде 5 ауданға таратылған.
Егістікке дән себілген соӊ Бұқарбай батыр ауылы ардагерлер кеӊесініӊ төрағасы Қабылбек Нұрмағанбетов ақ батасын берді.
Айта кетейік, облыс төрт жыл қатарынан күріштен рекордтық өнім жинады. Сондай-ақ, аймақта ауыл шаруашылығы саласын әртараптандыру және экспортқа бағытталған өнім өндіру жұмыстары қарқынды жүзеге асырылуда. Оныӊ ішінде, күріш, балық және қауын экспортталуда. Сондай-ақ, қытайлық инвесторлар облыс аумағында қымыз, шұбат және томат пастасын өндіретін зауыт салуға, ал Парсы шығанағы елдері соя, жүгері егіп, сиыр, қой өсіруге ниет білдіріп отыр.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.