Қызылордада ауылшаруашылығы кооперативтері дамып келеді
Қазақстан Республикасы Ауыл шаруашылығы Министрініӊ бірінші орынбасары Қайрат Айтуғанов кеше Қызылорда облысына жасаған сапары аясында бірқатар ауылшаруашылығы өндірістік кооперативтерініӊ жұмысымен танысты.
Қызылорда. 29 маусым. Kazakhstan Today - Қазақстан Республикасы Ауыл шаруашылығы Министрініӊ бірінші орынбасары Қайрат Айтуғанов кеше Қызылорда облысына жасаған сапары аясында бірқатар ауылшаруашылығы өндірістік кооперативтерініӊ жұмысымен танысты.
Вице-министр Сырдария ауданындағы "Ақжарма и К" шаруашылығында болып, кооператив жұмысына оӊ бағасын берді. 2013 жылы егін және мал шаруашылығы өнімдерін өндіру бағытында құрылған мекеме құрамында "Ақжарма Инвест" және "Ақжарма Агро" ауылшаруашылығы өндірістік кооперативтері тұрақты жұмыс істеуде. Етті қайта өӊдеу және консервілеу мен егін шаруашылығы өнімдерін өндірумен айналысатын кооперативтер мемлекеттік қолдаудыӊ арқасында ауыл тұрғындарын тұрақты жұмыспен қамтып келеді.
Мұнан кейін Қайрат Қаппарұлы "Ақжарма и К" шаруа қожалығыныӊ "Нұрлы жол" сервистік қызмет көрсету орталығында болды. Батыс Қытай - Батыс Еуропа автодәлізі бойында орналасқан нысанда 20 орындық қонақүй мен 40 орындық асхана қызмет көрсетуде. Сонымен қатар мұнда техникалық жөндеу орталығы, дүкен, дәріхана мен шаштараз бар.
Қайрат Айтуғанов, Қазақстан Республикасы Ауыл шаруашылығы Министрініӊ бірінші орынбасары:
- Бүгін Қызылордадағы бірқатар кооперативтерді аралап шықтық. Аудандарда іске асырылып жатқан Агроөнеркәсіптік кешенді дамытудыӊ 2017-2021 жылдарға арналған бағдарламасындағы бірінші мәселе - жеке қожалықтардыӊ басын қосып, кооперативтер құру болатын. Осы жылы Қызылорда облысында жоспар бойынша 19 кооперативті іске қосу керек болса, қазір, міне, жарты жылдыӊ өзінде-ақ 27 кооператив ашылған. Бұл ретте, аймақтағы кооперативтердіӊ жоғары деӊгейде дамып жатқандығын көріп отырмыз. Қазір, міне, мал бордақылау алаӊы мен сүт қабылдау бекеті ашылды. Сонымен қатар кездесу барысында кооператив төрағалары облыс орталығына жақын аудандарға Ресейден шағын зауыттар әкеліп, онда қаймақ пен ірімшік шығару туралы жоспарларымен бөлісті. Облыста ашылған коперативтердіӊ оӊ нәтижесін күзде көретін боламыз. Жұмыстардыӊ басталғанына аз уақыт өткеніне қарамастан, бүгінгі күні бағдарлама халық арасында үлкен сұранысқа ие болуда.
Мұнан өзге, Қызылорда облысына жасаған сапары аясында Қайрат Айтуғанов "Жан-Арай" ЖШС-ніӊ жем шығару зауытыныӊ және "Көксу" жеке шаруашылығыныӊ жұмысымен танысты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.