Қызылордада қала құрылысының кадастры мәселесі талқыланды
Қызылорда қаласында Қазақстан Республикасы Өңірлік даму министрі Болат Жәмішевтің қатысуымен Қазақстан Республикасы Мемлекеттік қала құрылысы кадастрының бірыңғай жүйесін қалыптастыру мәселесі бойынша селекторлық кеңес өтті. Аталған жүйе облыстарда РМК пен филиалдар құруды көздейді.
Алматы. 5 ақпан. Kazakhstan today. Қызылорда қаласында Қазақстан Республикасы Өңірлік даму министрі Болат Жәмішевтің қатысуымен Қазақстан Республикасы Мемлекеттік қала құрылысы кадастрының бірыңғай жүйесін қалыптастыру мәселесі бойынша селекторлық кеңес өтті. Аталған жүйе облыстарда РМК пен филиалдар құруды көздейді.
Өңірлік даму министрлігінің хабарлағанындай, кеңестің жұмысына осы мәселеге жетекшілік ететін әкімдердің орынбасарлары, өңірлердегі сәулет және қала құрылысы басқармаларының, сондай-ақ мемлекеттік мекемелердің басшылары қатысты.
Кеңесті ашқан Өңірлік даму министрі Болат Жәмішев қала құрылысы кадастрын барлық деңгейде жүргізу мәселесінің өзектілігін атап өтті. Қала құрылысы кадастрының негізгі мақсаты қала құрылысы саласында жалпыға қолжетімді электрондық деректер базасын құру және кадастрды жүргізу процесін, қала құрылысы деректерінің мұрағатын автоматтандыру, кадастр саласындағы мамандардың жұмысын оңтайландыру, сондай-ақ, пайдаланушылардың сұранымдарына жедел жауап беру және қала құрылысы құжаттамасын беру болып табылады.
Кадастрдың қазақстандық жүйесін үш деңгейге бөлуге болады: республикалық - республика аумағы; облыстық - республикалық деңгейдегі облыстар және қалалар аумақтары; базалық - әкімшілік аудандар, облыстық орталықтар және елді мекендер.
Республикалық деңгейдегі мемлекеттік қала құрылысы кадастры 2012 жылғы қазанда тәжірибелік пайдалануға берілген. Онда сәулет-қала құрылысы қызметін сипаттайтын қала құрылысы регламенттері, картографиялық және атрибутивті мәліметтер жинақталған.
Сондай-ақ, Қарағанды және Қызылорда облыстарының тәжірибесінде төменгі деңгейлермен өзара іс-қимыл жөніндегі пилоттық жоба іске асырылды. Осы жоба шеңберінде Қала құрылысы кадастрының Жер кадастрымен ақпараттық өзара іс-қимылы жүзеге асырылды.
Жергілікті атқарушы органдарға жер кадастрының деректерін ұсыну құрылыс үшін және басқа мақсаттарда жер учаскелерін бөлу, ресімдеу және беру кезінде қажет.
"Мекенжай тіркелімі" ақпараттық жүйесімен, "Заңды тұлғалар" және "Жеке тұлғалар" мемлекеттік деректер базасымен интеграциялау жүргізілді.
Республикалық деңгейде орталық мемлекеттік органдарға қала құрылысы кадастрымен интеграцияланған салалық кадастрлар мен жүйелердің тақырыптық базалары бойынша ақпарат ұсынылатын болады.
Облыстық және негізгі деңгейлерде Бас жоспарға, егжей-тегжейлі жобалау жоспарына, құрылыс салу схемасына сәйкес елді мекендердің аумағында жер учаскелерін пайдалану мүмкіндіктерін анықтау; мекенжай анықтамасын беру; тас жолдар және инженерлік желілердің орналасу схемаларын ұсыну; мемлекеттік және әлеуметтік-мәдени маңызы бар объектілерді жобалау, салу және пайдалануға беру сатысынан өту рәсімдері туралы ақпараттарды ұсыну бойынша қызмет көрсету жоспарланып отыр.
Сонымен қатар, Қазақстан Республикасының Ұлттық геоақпараттық жүйесінде мемлекеттік Жер және Қала құрылысы кадастрларының өзара іс-қимылы мүмкіндігін көздеу шешілді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.