"Қор биржасы ресми тізімініӊ құрылымы оны үш алаӊға бөлу жолымен қайта құрылды" -Д. Ақышев
Бағалы қағаздар нарығыныӊ тартымдылығын арттыру және институционалдық инвесторлардыӊ мүмкіндігін кеӊейту мақсатында бүгінгі күні Ұлттық Банк қор нарығында эмитенттер мен инвесторлардыӊ қызметін ырықтандыру, қор нарығыныӊ инфрақұрылымын жетілдіру, қаржы секторында жаӊа технологияларды енгізу бойынша шараларды іске асыруда.
Алматы. 15 маусым. Kazakhstan Today - Бағалы қағаздар нарығыныӊ тартымдылығын арттыру және институционалдық инвесторлардыӊ мүмкіндігін кеӊейту мақсатында бүгінгі күні Ұлттық Банк қор нарығында эмитенттер мен инвесторлардыӊ қызметін ырықтандыру, қор нарығыныӊ инфрақұрылымын жетілдіру, қаржы секторында жаӊа технологияларды енгізу бойынша шараларды іске асыруда. Бұл жайлы бүгін ҚР Ұлттық Банкініӊ Төрағасы Данияр Ақышев Америка сауда палатасыныӊ өкілдерімен кездесу барысында жасаған баяндамасында хабарлады.
Ол миноритарлық инвесторлар қызметініӊ заӊнамалық тұрғыдан күшейтілгендігі жөнінде айтып берді. Оныӊ айтуынша, бұл Қазақстанныӊ Дүниежүзілік Банктіӊ "Doing Business 2017" бағалауы шеӊберінде "Миноритарлық инвесторларды қорғау" индикаторы бойынша позициясын 25 орыннан 3 орынға көтеруді қамтамасыз етті. "Бағалы қағаздар нарығын жаӊғырту шеӊберінде қор биржасы ресми тізімініӊ құрылымы оны үш алаӊға бөлу жолымен қайта құрылды",- деп хабарлады Д. Ақышев.
Акциялар мен облигациялар эмитенті - ірі компаниялар үшін арналған "Негізгі" алаӊда әлеуетті инвесторлардыӊ тәуекелдерін төмендету мақсатында базалық талаптар сақталуда (аудитті жүргізу, ХҚЕС бойынша халықаралық есептіліктіӊ және корпоративтік басқару кодексініӊ болуы бойынша), -деп нақтылады ҚРҰБ басшысы.
"Екінші алаӊ - "Баламалы" - шағын және орта бизнес субъектілері болып табылатын акциялар мен облигациялар эмитенттеріне арналған. Бұл алаӊда қор нарығына капиталды тартуды кеӊінен тарату мақсатында ақпаратты жария ету бойынша барынша жеӊіл талаптарды белгілеу, мәмілелер бойынша айла-шарғыныӊ қадағаланбауы, негізгі алаӊмен салыстырғанда барынша төмен листинг алымдары жоспарланып отыр, - деп хабарлады ол. - "Аралас" - Үшінші алаӊда - исламдық бағалы қағаздар, инвестициялық қорлардыӊ бағалы қағаздары, туынды қаржы құралдары, МБҚ, халықаралық қаржы ұйымдарыныӊ бағалы қағаздары сияқты секторлар қамтылады".
Өз сөзінде Д. Ақышев ағымдағы жылы Ұлттық Банк Үкіметпен бірлесе отырып нақты шаралары, мерзімдері мен күтілетін нәтижелері бар қор нарығын дамытудыӊ кешенді бағдарламасын әзірлеуді де жоспарлап отырғанын атап өтті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.