АСТАНА. 17 - мамыр. Kazakhstan Today. Қазақстан Республикасының Энергетика және минералды ресурстар министрлігінің алқасы Атырау облысындағы біріккен мұнайхимиялық кешенінің құрылысына қатысты инвестициялық жобаның техника-экономикалық негіздесмеінің негізгі көрсеткіштерін бекітті, деп хабарлайды Kazakhstan Today агенттігінің тілшісі.
Журналистерге берген сұхбатында ҚР Энергетика және минералды ресурстар министрлігінің мемлекеттік активтерді басқару және технологиялық даму департаментінің директоры Раушан Сармурзина, аталмыш кешеннің полиэтилен, полипропилен және полистирол өндіруге мамандандырылатындығын, олардың шикізаты ретінде Қашаған кенішінде өндірілетін газ қолданылатындығын еске сала кетті. "Қазір көгілдір отын тасымалдайтын Теңізшевройлмен қаулыға қол қойылуда",- деп нақтылап өтті ол.
Жобаның бағасы бірінші кезеңде - 5,2 млрд АҚШ долларын құрайды, бұл сомаға инфрақұрылым құруға қажетті қаржы да кіреді. Жобаны қаржыландыру схемасы аралас болады, оны қазір "ҚазМұнайГаз" АҚ мен "Kazakhstan Petrochemical Industries" АҚ әртүрлі банк жүйелерімен пысықтауда. Жобаға халықаралық банктер де тартылуда, және де "Қазына" АҚ да қосылған",- деді Раушан Сармузина. "Қазір ол кімнің зауыты болатындығын, кімнің қаржы салатындығы туралы айту қиын, бірақ жоба операторы "Kazakhstan Petrochemical Industries" АҚ болып табылады, сонымен қатар онда "ҚазМұнайГаз" АҚ-ның да үлесі бар",- деп қосты ол.
Раушан Сармузина қазіргі уақытта "ҚазМұнайГаз" АҚ үлесі 30 пайызды, қалған 70 пайыз - "Kazakhstan Petrochemical Industries" АҚ үлесінде, бірақ "үлес қаржыландыруға байланысты өзгеруі де мүмкін екендігін" атап өтті. Яғни, "ҚазМұнайГаз" АҚ көбірек қаржы салып, өз үлесін өсіре алатындығын да" жоққа шығармады.
Энергетика және минералды ресурстар министрлігінің өкілі, жобада сондай-ақ бюджеттік қаржының да бөлінетіндігі қарастырылғандығын қосты. "Кешеннің құрылысы инвесторлар есебінен жүргізілетіндігін, ал инфрақұрылым құру бюджет есебінен қаржыландырылатындығын, атап өту керек",- деді ол. Энергетика және миниералды ресурстар министрлігінің мәліметтеріне сүйенсек, инфрақұрылымның құрылысы 850 млн АҚШ доллары көлемінде қаржыландыруды қажет етеді.
Сондай-ақ, Р. Сармурзинаның айтуынша, кешен құрылысын үстіміздегі жылдың желтоқсанында бастау жоспарланған, техника-экономикалық негіздемеге сәйкес жалпы құрылыс салу уақыты 3 - 5 жылды құрайды. "Техника-экономикалық негіздеме бойынша бұл жобаға салынған қаржы 12 - 15 жыл аралығында ақталады",- деді департамент директоры.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР ЭМРМ алқасы Атырау облысындағы біріккен мұнайхимиялық кешенінің құрылысына қатысты инвестициялық жобаның техника-экономикалық негіздемесінің негізгі көрсеткіштерін бекітті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.